OTÚ NDỊ KRAỊST SI EBI NDỤ
Ndị Nne na Nna, Nyerenụ Ụmụ Unu Aka Ka Ha Nweta Amamihe Chineke
Otu n’ime ụzọ kacha mma ndị nne na nna ga-esi nyere ụmụ ha aka ka ha nweta amamihe Chineke bụ inyere ha aka ịna-erite uru n’ọmụmụ ihe. Ihe ndị na-eto eto na-ahụ ma na-anụ n’ọmụmụ ihe nakwa ihe ndị ha na-aza n’ajụjụ nwere ike inyere ha aka ịmatakwu Jehova na ịbụ ezigbo ndị enyi ya. (Diut. 31:12, 13) Ọ bụrụ na ị bụ nne ma ọ bụ nna, olee otú ị ga-esi nyere nwa gị aka ka ọ na-erite ezigbo uru n’ọmụmụ ihe?
Gbalịsie ike na-aga ọmụmụ ihe n’Ụlọ Nzukọ Alaeze ebe ị ga-ahụ ụmụnna gị ihu na ihu.—Ọma 22:22
Wepụta oge ka gị na ụmụnna na-ekwurịta okwu n’Ụlọ Nzukọ Alaeze tupu ọmụmụ ihe amalite ma ọ bụ mgbe a gbasara.—Hib. 10:25
Gbalịsie ike hụ na onye ọ bụla nọ n’ezinụlọ unu nwetara akwụkwọ ndị a na-amụ n’ọmụmụ ihe, ma ọ̀ bụ nke e biri ebi ma ọ̀ bụ nke e si n’Ịntanet nweta
Na-enyere nwa gị aka ka ọ na-akwadebe azịza ọ ga-esi n’obi ya aza.—Mat. 21:15, 16
Na-ekwu ihe dị mma gbasara ọmụmụ ihe nakwa ihe a na-akụziri anyị na ya
Na-enyere ụmụ gị aka ka ha soro na-eme ihe ndị a na-eme ma anyị gaa ọmụmụ ihe, dị ka ịza Ụlọ Nzukọ Alaeze na iso ndị agadi nọ n’ọgbakọ na-ekwurịta okwu
Ị ga-arụ ọtụtụ ọrụ ka i nwee ike inyere ụmụ gị aka ka ha bịaruo Jehova nso. Ọrụ ndị ahụ nwekwara ike ibu gị aka mgbe ụfọdụ. Ma, ka obi sie gị ike na Jehova ga-enyere gị aka.—Aịza. 40:29.
LEENỤ VIDIO BỤ́ NDỊ NNE NA NNA, TỤKWASỊNỤ JEHOVA NA IKE Ọ NA-ENYE UNU OBI, ZAAKWANỤ AJỤJỤ NDỊ A:
Olee otú ike ọgwụgwụ si na-akpa Zack na Leah aka ọjọọ?
Gịnị mere ndị nne na nna ji kwesị ịgbakwuru Jehova ka o nye ha ume?
Olee ụzọ dị iche iche Zack na Leah si gosi na ha tụkwasịrị Jehova obi ka o nyere ha aka?