Ihe Ndị E Mere n’Afọ Gara Aga

MGBE Aịzaya na-akọwa ihe Chineke ga-eji Alaeze ya mezuo, o kwuru n’Aịzaya 9:7, sị: “Ekworo Jehova nke ụsụụ ndị agha ga-emezu ihe a.” Jizọs Kraịst, bụ́ Eze nke Alaeze ahụ, kwokwara ekworo maka ofufe Chineke n’oge niile o jere ozi n’ụwa. Nke a pụtara na o ji ịnụ ọkụ n’obi jeere Jehova ozi. (Jọn 2:17) Ihe ndị anyị na-aga ịkọ ugbu a na-egosi otú Ndịàmà Jehova n’ụwa niile si anụ ọkụ n’obi ka Jehova na Jizọs. Otú ha si eme ya bụ inyere ndị mmadụ aka ka ha mara na Nna ha nke eluigwe hụrụ ha n’anya.