Ihe A Ga-ekwu Banyere Magazin Ndị Ahụ

Ụlọ Nche Apr. 15

“N’agbanyeghị ebe ọ bụla ha bi, ndị mmadụ nwere mmasị n’ịnọ ná nchebe, dị ka n’ịchọta na ịnọgide na-arụ ezigbo ọrụ. Ma ì chetụwo echiche na e nwere ebe e si enweta nchebe na-adịgide adịgide, na-eme ka i nwee ike ịnọ ná nchebe ruo mgbe ebighị ebi? [Gụọ Abụ Ọma 16:8, 9.] Mbipụta a nke Ụlọ Nche na-atụle ebe a pụrụ ịchọta ezi ịnọ ná nchebe.”

Ụlọ Nche May 1

“Ọ̀ dị onye ị maara na-arịasi ọrịa ike ma ọ bụ nwere nkwarụ? Obi abụọ adịghị ya na ị ga-ekweta na agbamume dị ndị dị otú ahụ mkpa. Ma gịnị ka anyị pụrụ ikwu iji gbaa ha ume? Bible nwere okwu na-enye olileanya. [Gụọ Aịsaịa 35:5, 6.] Mbipụta a nke Ụlọ Nche na-akọwa ihe mere anyị pụrụ iji jide n’aka na amụma a ga-emezu.”

Teta! May 8

“Ọtụtụ ndị taa na-ahapụ njikọ okpukpe iji fee Chineke n’ụzọ nke ha. Olee ihe i chere banyere ihe a na-emezinụ? [Nye ohere maka nzaghachi.] Bible na-egosi na otú anyị si efe Chineke dị mkpa n’ezie nye ya. [Gụọ Jọn 4:24.] Mbipụta Teta! a na-ekwu banyere ụzọ kasị mma isi gboo mkpa ime mmụọ anyị.”

“N’afọ gara aga, e yiri udo egwu otú a na-eyitụbeghị ya mbụ. Ì chere na ọ dị n’ike ọchịchị ụmụ mmadụ iweta udo ụwa? [Ọ zaghachisịa, gụọ Aịsaịa 2:4.] Mbipụta Teta! a na-egosi ihe mere anyị pụrụ iji jide n’aka na a ga-enwe udo ụwa n’oge na-adịghị anya.”