Ihe A Ga-ekwu Banyere Magazin Ndị Ahụ

Ụlọ Nche Apr. 15

“Ụfọdụ mmadụ na-eche na ihe nile na-eme ná ndụ, gụnyere ọdachi dị iche iche, bụ uche Chineke. Ì chetụwo echiche banyere nke ahụ? [Nye ohere maka nzaghachi.] Ọtụtụ mmadụ maara ekpere a. [Gụọ Matiu 6:10b.] Gịnị bụ uche Chineke banyere ụwa, oleekwa mgbe a ga-emezu ya n’ụzọ zuru ezu? Magazin a na-enye azịza Bible banyere ya.”

Ụlọ Nche May 1

“Ná mgbali ha imeziwanye ọnọdụ ọha mmadụ, ụfọdụ ndị ndú okpukpe na-etinye aka ná ndọrọ ndọrọ ọchịchị. Otú ọ dị, rịba ama ihe Jizọs mere mgbe ndị mmadụ chọrọ ichi ya eze. [Gụọ Jọn 6:15.] Jizọs lekwasịrị anya n’ihe ga-ewetara ndị ọzọ ihe ọma na-adịgide adịgide. Magazin a na-ekwu ihe ihe ahụ bụ.”

Teta! May 8

“N’ụwa nke oge a, ụfọdụ ndị na-abụ ndị na-enweghị olileanya. Ọ̀ dị mgbe ọ na-adị gị otú ahụ? [Nye ohere maka nzaghachi. Mgbe ahụ gụọ Ndị Rom 15:4.] Ihe kasị n’ọnụ ọgụgụ mmadụ maara mkpa inwe olileanya dị. Ọ ga-atọ gị ụtọ ịgụ ihe asaa Akwụkwọ Nsọ kwuru mere a ga-eji nwee olileanya, bụ́ ndị e depụtara n’ime mbipụta Teta! a.”

“Ọtụtụ mmadụ na-eche ọnọdụ ndị na-eweta ihe ịma aka ihu n’ebe ọrụ. Ọbụna ụfọdụ na-abụ ndị ndị ọrụ ibe ha na-amaja. Ị̀ maara na Bible nwere ndụmọdụ ndị pụrụ inyere anyị aka ịnagide ihe ịma aka ndị tara akpụ dị otú ahụ? [Nye ohere maka nzaghachi. Mgbe ahụ gụọ Ilu 15:1.] Magazin a na-atụ aro ndị dị irè banyere ụzọ anyị na ndị ọzọ pụrụ isi nọgide na-adị n’udo n’ebe ọrụ.”