Ihe Ndị A Ga-ekwu Banyere Magazin Ndị A

Ụlọ Nche Apr. 15

“O yiri ka ndị ji obi ọjọọ emeso ibe ha ihe taa hà na-ehiwanye nne. [Nye otu ihe atụ nke mere n’ógbè unu ma ọ bụkwanụ nke si na magazin ahụ.] Ì chetụla echiche banyere ihe mere ụmụ mmadụ pụrụ iji na-enwe nnọọ obi ọjọọ n’ebe ibe ha nọ? [Chere ka ọ zaa.] Bible buru amụma banyere oge ụmụ mmadụ ga-ejikwu nnọọ obi ọjọọ na-emeso ibe ha ihe. [Gụọ 2 Timoti 3:1-5.] Magazin a zara ajụjụ bụ́, ‘Ọ̀ Dị Mgbe Omume Obi Ọjọọ Ga-akwụsị?’”

Ụlọ Nche May 1

“Ndị mụrụ ụmụ na-enwe obi mgbawa ruo ogologo oge ma nwa ha nwụọ. Olee ebe i chere ha nwere ike isi nweta nkasi obi? [Chere ka ọ zaa. Ọ zasịa, gị agụọ Ndị Rom 15:5.] Magazin a kọwara ụfọdụ ụzọ Chineke si akasi ndị na-eru újú obi.”

Teta! Apr.–June

“Ì chere na ihe a e dere ebe a bụ ihe mere nsogbu ji jupụta n’ụwa taa? [Gụọ 1 Jọn 5:19. Ị gụsịa, i chere ka ọ zaa.] Isiokwu a na-egosi onye Bible kwuru na ọ bụ ya bụ ‘ajọ onye ahụ’ nakwa ihe anyị pụrụ ime ka ọ ghara ịnwata anyị.” Gosi ya isiokwu nke malitere na peeji nke 24.

“O yiri ka ọtụtụ ndị ọchịchị ụwa hà bụ ndị mpako. Ì chere na àgwà a na-eme ka e nwee udo na ịdị n’otu n’ụwa? [Chere ka ọ zaa.] Legodị ihe Bible kwuru banyere mpako. [Gụọ Ilu 16:18.] Isiokwu a kọwara uru ọ bara ịdị umeala n’obi.” Gosi ya isiokwu nke malitere na peeji nke 26.