Ihe Ndị A Ga-ekwu Banyere Magazin Ndị A

Ụlọ Nche Mar. 15

“Ndị mmadụ na-ekwukarị banyere ọbịbịa Jizọs Kraịst. N’echiche gị, è kwesịrị ịdị na-atụ anya ọbịbịa ya ka è kwesịrị ịdị na-atụ ya egwu? [Chere ka ọ zaa.] Legodị ihe otu onye so dee Bible aha ya bụ Jọn chere banyere ya. [Gụọ Mkpughe 22:20.] Magazin a na-akọ ihe ọbịbịa Kraịst ga-arụzu.”

Ụlọ Nche Apr. 1

“Ọ fọrọ obere ka ọ bụrụ na kwa ụbọchị, anyị na-enwe ajụjụ ndị metụtara ahụ́ ike anyị, ezinụlọ anyị, na ọrụ anyị. Olee ebe i chere anyị pụrụ isi nweta azịza ndị na-eju afọ na ndị na-aba uru? [Chere ka ọ zaa.] Lee ihe Bible kwuru na 2 Timoti 3:16. [Gụọ ya.] Magazin a na-egosi otú Bible pụrụ isi nyere anyị aka n’ọtụtụ ụzọ.”

Teta! Jan.-Mar.

“Ị̀ maara na otu onye amụma kwuru na e nwere oge ọrịa na-agaghịzi adị? [Chere ka ọ zaa. Ọ zasịa, gị agụọ Aịsaịa 33:24.] Amụma Bible ndị ọzọ kwukwara banyere oge dị otú a. Isiokwu ndị mbụ nke magazin a na-akọ ihe i kwesịrị ịma banyere oge ahụ, bụ́ mgbe ahụ́ ga-esi mmadụ nile ike nakwa mgbe ọrịa na-agaghịzi adị.”

“Okpukpe nile anaghị ekwu otu ihe ma a bịa n’ihe metụtara ịṅụ mmanya na-aba n’anya. Olee otú i chere Chineke si ele ịṅụ mmanya na-aba n’anya anya? [Chere ka ọ zaa.] Ọ bụ ezie na ọrụ ebube mbụ Jizọs rụrụ bụ ime ka mmiri ghọọ mmanya, Bible kwuru okwu ịdọ aka ná ntị a anyị ga-agụ. [Gụọ Ilu 20:1.] Isiokwu a na-akọwa ihe bụ́ echiche Bible n’okwu a.” Jiri isiokwu ahụ malitere na peeji nke 24 nyefee ya.