Ihe A Ga-ekwu Banyere Magazin Ndị A

Ụlọ Nche Mar. 1

“Kwa ụbọchị, anyị na-anụ banyere ahụhụ, ọrịa, na ọnwụ. Ì chetụla ma ò nwere mgbe a ga-azọpụta anyị n’ihe a niile? [Chere ka ọ zaa.] Amaokwu Baịbụl a emeela ka ọtụtụ nde mmadụ nwee olileanya. [Gụọ Jọn 3:16.] Isiokwu magazin a bụ, ‘Otú Ọnwụ Jizọs Ga-esi Zọpụta Gị.’”

Ụlọ Nche Apr. 1

“Ị́ gaghị achọ ịhụ mmezu nke amụma a? [Gụọ Aịzaya 2:4. Cherezie ka ọ zaa.] Ị̀ hụrụ na Chineke ga-etinye aka n’ihe na-eme n’etiti ụmụ mmadụ ma ‘dozie ihe’? Baịbụl na-egosi na Chineke ga-alụ agha a na-akpọ Amagedọn, nke ga-akwụsị agha niile. Magazin a ga-akọwa ihe Amagedọn bụ na ihe mere anyị kwesịrị iji na-atụ anya ya.”

Teta! Jan.–Mar.

“Biko, ka m jụọ gị, ‘olee ihe mere e ji alụ di na nwunye, gịnịkwa mere e ji hazie ka e nwee onye nke ga-abụ onyeisi n’ime ha abụọ?’ [Gụọ Jenesis 2:24. Cherezie ka ọ zaa.] Obi ga-adị gị ụtọ ịma na a zara ajụjụ a kpọmkwem n’isiokwu dị na peeji nke 16 nke Teta! a.

“Ị̀ maara ihe Chineke chọrọ n’aka ndị na-eto eto ma a bịa n’okwu metụtara ihe ndị na-akpali agụụ mmekọahụ, ibi ndụ otú Baịbụl kwuru ka a na-ebi, na igwu egwuregwu kọmputa? [Chere ka ọ zaa. Mezie ka isi ihe dị ná 1 Ndị Tesalonaịka 5:21 pụta ìhè] Usoro isiokwu dị na Teta! a, bụ́ Ndị Na-eto Eto Na-ajụ, Sị, kwuru ọtụtụ ihe ndị na-eto eto na-atụ egwu Chineke ga-echebara echiche.” Gosi ya isiokwu ndị dị peeji nke 18-27.”