Ihe A Ga-ekwu Banyere Magazin Ndị Ahụ

Ụlọ Nche May 15

“Ì chere na ọ pụrụ ikwe mee ịmata Chineke? [Nye ohere maka nzaghachi.] Ị pụrụ ikweta na o siri ike ikwere n’onye anyị maara ihe dị nta banyere ya. N’ezie, Bible na-agba anyị ume ịchọ Chineke. [Gụọ Ọrụ 17:27.] Isiokwu ndị a na-egosi anyị otú anyị pụrụ isi mata Chineke nke ọma karị.”

Ụlọ Nche June 1

“Ihe ndị mere n’oge na-adịbeghị anya na-eme ka ọtụtụ ndị na-eche ihe mere ndị aka ha dị ọcha ji anwụchu ọnwụ. Ì chetụwo echiche banyere ihe mere ndị mmadụ ji anwụ? [Nye ohere maka nzaghachi, sapetazie chaatị dị na peeji nke 7.] Ọ̀ ga-amasị gị ịhụ ihe Bible na-ekwu banyere otu n’ime echiche ụgha ndị ahụ?” Ya kwe mee, gụọ otu akụkụ Akwụkwọ Nsọ e zoro aka na ya.

Teta! June 8

“Ndị ndú ụwa anwalewo ọtụtụ echiche ná mgbalị igbo mkpa anyị. A maara otu ụzọ ọhụrụ ha si eme ya dị ka ijikọ ụwa ọnụ. Na magazin a, ị pụrụ ịgụ banyere otú mgbalị ọhụrụ a pụrụ isiworị na-emetụta ndụ gị ka ọ dị ugbu a. Ị pụkwara ịgụ banyere ihe ngwọta zuru ụwa ọnụ e buru amụma ya na Bible.” Mgbe ahụ gụọ Matiu 6:9, 10.

“Ọtụtụ ndị na-eche na okpukpe na sayensị nọ n’ọgụ. Ọbụna ụfọdụ na-eche na ọ pụghị ikwe omume ka onye ji sayensị kpọrọ ihe kwere na Chineke. Olee ihe i chere banyere nke a? [Nye ohere maka nzaghachi.] Teta! na-atụle isiokwu a n’ụzọ kasị enye ihe ọmụma.”