Ihe A Ga-ekwu Banyere Magazin Ndị Ahụ

Ụlọ Nche Feb. 15

“Ihe ọjọọ ndị e meworo n’aha okpukpe na-ewute ọtụtụ ndị mmadụ. Ụfọdụ na-eche na ọ bụ okpukpe na-akpata nsogbu nke ihe a kpọrọ mmadụ. Ì chetụwo echiche banyere nke a? [Nye ohere maka nzaghachi. Mgbe ahụ gụọ Mkpughe 18:24.] Magazin a na-atụle ihe Bible nwere ikwu banyere okwu a.”

Ụlọ Nche Mar. 1

“N’otu oge, a jụrụ Jizọs Kraịst, sị: ‘Olee nke bụ nke mbụ n’ime ihe nile e nyere n’iwu?’ Lee ihe ọ zara. [Gụọ Mak 12:29, 30.] Ọ̀ dịtụwo mgbe ị chere echiche banyere ihe Jizọs bu n’obi? [Nye ohere maka nzaghachi.] Isiokwu bụ́ ‘Otú Anyị Si Egosipụta Ịhụnanya Anyị Nwere n’Ebe Chineke Nọ’ na-atụle ihe okwu ndị ahụ a maara nke ọma pụtara.”

Teta! Mar. 8

“N’oge gara aga, ọtụtụ ndị mmadụ tụrụ ụjọ agha nuklia. Ì chere na a pụrụ ịlụ agha nuklia n’oge anyị a? [Nye ohere maka nzaghachi.] Magazin a na-atụle ihe ndị na-eme eme bụ́ ndị na-emetụta anyị nile. Ọ na-akọwakwa nkwa Bible maka ụwa nke ụjọ na-agaghị adịkwa na ya.” Gụọ Zefanaịa 3:13.