Ihe Ndị A Ga-ekwu Banyere Magazin Ndị A

Ụlọ Nche Feb. 1

“Olee otú i chere ezinụlọ ga-esi erite uru ma ọ bụrụ na ha etinye ndụmọdụ a n’ọrụ? [Gụọ Ndị Efesọs 4:31. Cherezie ka ọ zaa.] Isiokwu a tụrụ aro ụfọdụ bara uru sitere na Baịbụl banyere otú a ga-esi dozie nsogbu ma nọgide na-enwe obi ụtọ n’alụmdi na nwunye.” Gosi ya isiokwu nke malitere na peeji nke 18.

Ụlọ Nche Mar. 1

“M ga-achọ ịmata echiche gị banyere amaokwu a a maara nke ọma. [Gụọ Jọn 3:16.] Ì chetụla echiche banyere otú ọnwụ otu onye ga-esi mee ka ndị ọzọ nweta ndụ ebighị ebi? [Chere ka ọ zaa.] Magazin a mere nnọọ ka o doo anyị anya otú anyị nwere ike isi rite uru n’ọnwụ Jizọs.”

Teta! Jan.–Mar.

“N’oge gara aga, ndị mmadụ na-achọkarị ka Baịbụl na-eduzi ha. Ma ugbu a, ọtụtụ na-enwezi obi abụọ. Oleekwanụ maka gị? [Chere ka ọ zaa. Gụzie 2 Timoti 3:16.] Isiokwu dị na peeji nke 12 nke Teta! a kwuru ihe ndị gbara ọkpụrụkpụ na-egosi na Baịbụl sitere n’ike mmụọ nsọ Chineke.”

“Kemgbe ụwa, a na-emeso ụmụ nwaanyị ihe ike, na-akpapụkwa ha iche. Olee ihe i chere mere o ji dị otú ahụ? [Chere ka ọ zaa.] Legodị otú Baịbụl kwuru ka ndị bụ́ di si na-emeso nwunye ha ihe. [Gụọ 1 Pita 3:7.] Magazin a na-egosi otú Baịbụl sịrị na Chineke na Kraịst si ele ụmụ nwaanyị anya.”