Ihe A Ga-ekwu Banyere Magazin Ndị A
Ụlọ Nche Jan. 15
“Olee ebe i chere di na nwunye nwere ike isi nweta ezigbo ndụmọdụ? [Chere ka ọ zaa.] Ka m gosi gị onye Bible sị na ọ bụ ya guzobere alụmdi na nwunye. [Gụọ Jenesis 2:22.] Chineke kwukwara ihe bụ́ ọrụ di na ọrụ nwunye n’ime ezinụlọ. Magazin a kọwara ya.”
Ụlọ Nche Feb. 1
“Ì chere na obodo anyị ga-adị mma ma ọ bụrụ na onye ọ bụla n’ime anyị ebiwe ndụ n’ụzọ kwekọrọ n’ihe a e dere ebe a? [Gụọ Ndị Efesọs 4:25. Ị gụsịa, i chere ka ọ zaa.] Ọtụtụ mmadụ chere na ọ bụghị mgbe nile ka ịgha ụgha dị njọ. Magazin a na-akọwa uru a na-erite site n’ikwu eziokwu mgbe nile.”
Teta! Jan.-Mar.
“Ị̀ chọpụtala na ọtụtụ ndị sị na ha bụ Ndị Kraịst adịghị agbaso ihe Jizọs kụziri? [Chere ka ọ zaa.] Dị ka ihe atụ, ọtụtụ ndị adịghị agbaso ihe Jizọs kwuru ebe a. [Gụọ Jọn 13:35.] Isiokwu a kwuru banyere ọdịiche dị n’etiti ihe Jizọs kụziri na echiche nke ọtụtụ ndị sị na ha bụ Ndị Kraịst.” Jiri isiokwu ahụ dị na peeji nke 26 nyefee ya.
“Anyị chọrọ ịma ihe i chere banyere otu ihe Jizọs kwuru. [Gụọ Jọn 18:36.] Gịnị mere Jizọs ji ghara ikwe ka a na-eji ihe ike edozi okwu? [Chere ka ọ zaa.] Magazin a kọwara ihe Bible kwuru mere Ndị Kraịst kwesịrị iji zere ime ihe ike nakwa itinye aka n’esemokwu ndị a na-ahụ taa n’ihi ndọrọ ndọrọ ọchịchị.” Jiri isiokwu ahụ dị na peeji nke 26 nyefee ya.