Ihe A Ga-ekwu Banyere Magazin Ndị A

Ụlọ Nche July 1

“Ì chere na ọ ga-ekwe omume ka ụmụ mmadụ na Chineke Onye Pụrụ Ime Ihe Niile nwee ezi mmekọrịta? [Chere ka ọ zaa. Gụzie Ọrụ 17:27.] Isiokwu a kwuru ihe mere obi ga-eji sie anyị ike na Chineke chọrọ ka anyị bịaruo ya nso.” Gosi ya isiokwu dị na peeji nke 10.

Ụlọ Nche Aug. 1

“Otú e si emetọ mbara ụwa anyị n’ike n’ike na-eme ka ọtụtụ ndị ghara inwe nchekwube na ụwa anyị a ga-adị mma n’ọdịnihu. Olee ihe i chere banyere ya? [Chere ka ọ zaa. Gụzie Abụ Ọma 37:11.] Magazin a kọwara ihe Akwụkwọ Nsọ kwuru mere anyị kwesịrị iji nwee nchekwube na ihe ga-aka mma.”

Teta! July–Sept.

Gụọ Matiu 6:10. Jụzie, sị: “Ì chetụla ihe bụ́ uche Chineke maka ụwa? [Chere ka ọ zaa.] Baịbụl kwuru na Chineke nwere ihe o zubere maka ụwa ná mmalite, ọ gbanwebeghịkwa ya. Isiokwu a kọwara ya.” Gosi ya isiokwu malitere na peeji nke 10.

“Ndị lụrụ di na nwunye na-enwe ọtụtụ ihe ha na ha na-alụ, ọtụtụ ndị di na nwunye na-agbakwa alụkwaghịm. Ì chere na ọ bụrụ na di na nwunye esoro ndụmọdụ a, na ọ ga-eme ka alụmdi na nwunye ha gaa nke ọma? [Gụọ Ilu 12:18. Cherezie ka ọ zaa.] Magazin a kwuru ụkpụrụ ndị ọzọ ga-enyere ndị di na nwunye aka ime ka ha na-emekọrịtachi ihe anya.”