Ihe Ndị A Ga-ekwu Banyere Magazin Ndị A

November 1

“Nsogbu ọtụtụ ezinụlọ na-enwe yiri ka ọ̀ na-aka njọ. Olee otú i chere ezinụlọ ga-adị ma onye ọ bụla na-agbalị iṅomi ihe a Jizọs mere? [Gụọ Matiu 20:28. Cherezie ka ọ zaa.] Isiokwu a kwuru ụzọ ihe ise ezinụlọ ọ bụla nwere ike ịmụta n’aka Jizọs.” Gosi ya isiokwu malitere na peeji nke 16.

October–December

“Onye ọ bụla n’ime anyị enweela mgbe mmadụ kpọrọ ya asị n’enweghị ihe o mere ya. Olee otú i chere Chineke si ele ịkpọasị anya? [Chere ka ọ zaa. Gụzie Ọrụ 10:34, 35.] Baịbụl nwere ike inyere anyị aka idi nsogbu ndị anyị na-enwe n’ihi asị a kpọrọ anyị n’enweghị ihe anyị mere. Ọ na-enyekwara anyị aka iwepụ ụdị ịkpọasị ọ bụla n’obi anyị. A kọwara ihe ndị a niile na magazin a.”

December 1

“Ì chere na e nwere mgbe Chineke ga-akwụsị ahụhụ dị n’ụwa a? [Chere ka ọ zaa.] Gegodị ntị n’amaokwu Baịbụl a m chọrọ ịgụrụ gị, ka ị hụ ihe mere anyị ga-eji nwee olileanya na ọ ga-eme. [Gụọrọ ya otu n’ime amaokwu Baịbụl dị na peeji nke 7.] Magazin a kọwara ihe Baịbụl kwuru banyere otú Chineke ga-esi akwụsị ahụhụ niile na mgbe ọ ga-eme ya.”

October–December

Gụọ 1 Jọn 4:8. Kwuzie sị: “Ụfọdụ ndị kweere na Chineke na-ata ndị ajọ omume ahụhụ n’ọkụ ala mmụọ ruo mgbe ebighị ebi. Ndị ọzọ na-ekwu na ịta ndị ọjọọ ahụhụ n’ọkụ ala mmụọ adabaghị n’ihe ebe a anyị gụrụ kwuru. Gịnị ka i chere? [Chere ka ọ zaa.] Isiokwu a kọwara ihe Baịbụl nwere ikwu n’okwu a.” Gosi ya isiokwu malitere na peeji nke 26.