Ihe I Nwere Ike Ikwu

Otú I Nwere Ike Isi Nye Mmadụ Akwụkwọ Ịkpọ Òkù

I kelechaa onye ị bịara na nke ya, gị asị ya: “Anyị bịara ịgwa unu gbasara ihe dị mkpa anyị ga-eme n’abalị iri na anọ n’ọnwa Eprel. N’ụbọchị ahụ, nde kwuru nde ndị mmadụ ga-agbakọ n’ebe dị iche iche icheta ọnwụ Jizọs. A ga-eji Baịbụl kọwaara anyị uru ọnwụ Jizọs nwụrụ baara anyị. O nweghị ụtụ a ga-ana ndị bịara ya. E dere ebe anyị ga-anọ eme ya na oge anyị ga-eme ya ná mpempe akwụkwọ a. Biko, gbalịa ka ị bịa.”

Ụlọ Nche Eprel 1

I kelechaa onye ị bịara na nke ya, gị asị ya: “Anyị bịara ka anyị na unu kwurịta banyere ihe ọtụtụ n’ime anyị na-emekarị. N’agbanyeghị ụka ndị mmadụ na-aga, ha na-ekpe ekpere. Ma, ì chere na Chineke na-anụ ekpere ndị mmadụ na-ekpe? Ka ì chere na ekpere na-eme ka nsogbu anyị nwere kwụsị? [Chere ka ọ zaa. Ya zachaa, gị asị ya] Ka anyị gụọ ihe Baịbụl kwuru banyere ekpere. [Gụọ 1 Jọn 5:14.] Ụlọ Nche a kwuru uru ekpere baara anyị.”

Teta! Mach–Eprel

I kelechaa onye ị bịara na nke ya gị asị ya: “Anyị bịara ka anyị na gị kwuo gbasara otu ihe na-enye ọtụtụ ndị nsogbu. Ọtụtụ ndị na-atụ ndị nwụrụ anwụ ụjọ. O meela ka ha na-ajụ ase ka ha mara ma hà ga-achụrụ ndị nwụrụ anwụ àjà ma ọ bụ gwa ha ka ha nyere ha aka. Ì chere na ndị nwụrụ anwụ nwere ike imere ndị dị ndụ ihe ma ọ bụ merụọ ha ahụ́? [Chere ka ọ zaa. Ọ zachaa, sị] Lee ihe Baịbụl kwuru banyere ndị nwụrụ anwụ. [Gụọ Ekliziastis 9:5.] Teta! a gwara anyị na anyị ekwesịghị ịga jụọ ndị dibịa ase banyere ndị nwụrụ anwụ bụ́kwanụ ime mgbaasị.” Gosizie ya isiokwu malitere na peeji nke 12.