“Ụwa Niile Wee Na-asụ Otu Asụsụ”

11:1-4, 6-9

Na Bebel, Jehova ghagburu asụsụ ụmụ mmadụ nupụụrụ ya isi iji mee ka ha gbasasịa. Taa, o si ná mba niile na asụsụ niile na-akpọkọta oké ìgwè mmadụ, mee ka ha na-asụ “asụsụ dị ọcha,” ka ha ‘wee na-akpọku aha Jehova, jirikwa otu obi na-efe ya ofufe.’ (Zef. 3:9; Mkpu. 7:9) ‘Asụsụ a dị ọcha’ bụ eziokwu banyere Jehova na nzube ya nke dị n’Akwụkwọ Nsọ.

Ihe mmadụ ga-eme ma ọ chọọ ịmụ asụsụ ọhụrụ abụghị naanị ibu okwu ọhụrụ ndị ọ mụtara n’isi. Onye ahụ kwesịkwara ịmụ otú ndị na-asụ asụsụ ahụ si eche echiche. Otú ahụkwa ka ọ dị n’ịmụ asụsụ dị ọcha. Ka anyị na-amụ ya, ka uche anyị ga na-agbanwe. (Rom 12:2) Ihe a abụghị ihe anyị ga-emetụ kwụsị. Anyị na-eme ya, ọ ga-eme ka anyị niile dịrị n’otu.​—1 Kọr. 1:10.