Nabata Enyemaka Ụmụnna Gị

Jehova ji ‘ụmụnna anyị niile’ na-enyere anyị aka. (1 Pita 5:9) Ha nwere ike inyere anyị aka imeri nsogbu ndị anyị na-enwe n’ozi ọma. Dị ka ihe atụ, Akwịla na Prisila, Saịlas, Timoti, na ndị ọzọ nyeere Pọl onyeozi aka.​—Ọrụ 18:​1-5.

Olee otú ụmụnna gị nwere ike isi nyere gị aka n’ozi ọma? Ha nwere ike ịtụrụ gị aro otú ị ga-esi zie onye na-achọghị ige ntị ozi ọma, otú ị ga-esi mee nletaghachi, ma ọ bụ otú ị ga-esi malitere mmadụ ọmụmụ Baịbụl nakwa otú ị ga-esi na-amụrụ onye ahụ ihe. Chee banyere onye nọ n’ọgbakọ unu nwere ike inyere gị aka ma gwa ya ka o nyere gị aka. I mee ya, ọ ga-abara unu abụọ uru, ọ ga-emekwa ka unu na-enwekwu obi ụtọ.​—Fil. 1:25.

LEENỤ VIDIO BỤ́ NA-ENWE ỌṄỤ A NA-ENWE N’IHI IME NDỊ NA-ESO ỤZỌ​—NABATA AKA JEHOVA NA-ENYERE ANYỊ​—ỤMỤNNA ANYỊ, ZAAKWANỤ AJỤJỤ NDỊ A:

• 

  Olee otú Linda si gbalịa ịgwa Joy ka ọ bịa ọmụmụ ihe?

• 

  Gịnị mere anyị kwesịrị iji gwa ndị nkwusa ndị ọzọ ka ha soro anyị gaa mụọrọ mmadụ ihe?

• 

  Olee ihe na-amasị Joy nke ọ chọpụtakwara na ọ na-amasị Abigail?

• Olee ihe ndị nkwusa ndị ọzọ nwere ike ịkụziri gị banyere otú e si ezi ozi ọma?