TOLUMỌYE 11

Teeki Baratụa Ị́ Pịrị Bible Duo Yelaa Yeama Dọụ Ẹrẹ Mịnị A O?

Printed Edition

Ị́ kpọ kẹnị ifie a aya fịrị wẹnị dọụ timi laa mịẹ a paagha fa bara iroro dẹ a o? Kanghaba ị́ dọlọ dọlọ fịrị wẹnị yọ kị baratụa ị́ pịrị fịrị wẹnị siin mị. Bible goo kpọ bịsẹ bara k’emi. Ị́mịnị bii a paa emi, ‘Ị́mịnị tebara ka kị bei opu fịrị wẹnị mịnị a o?’ Omịnị Bible tolumọ bá goo mịnị yọ duo pọwẹị nana a paa emi. Bei egberitịbị bị, baratụa wó pịrị mịnị zụa yeama wó mọ diitụa mịnị.

1. Omịnị tetuu kị duonị ifiemọsẹ Bible goo agbẹị emi a o?

Ifiemọsẹ Bible, anịghakpọ “Jehovah oloko goo” mịnị kịmịsẹ, bolouịmbẹlẹ bá pọụsịpọụsị mịnị. (Psalm 1:1-3 goo.) Ị́ bọlọụ mịẹ mụ bara bị, ereinmọsẹ dọlọ ifie akị Bible goo. Ị́mịnị Ọkpọnanaowei egberi bọọ sụọtuu nimi dẹịn mịnị mị, ị́ mịẹ Bible goo dịsẹyọ nana kụrọmọ mịnị.

2. Teeki baratụa ị́ pịrị Bible a sụọtuu nimi mịnị a o?

Bible a sụọtuu nimi mụ yọmị, omịnị ifie mịẹ paamọ Bible kẹrị iroro mịnị. Omịnị Bible goo má “kẹrị iroro mịnị.” (Joshua 1:8, footnote) Bible ị́ mọ goo mịnị ifie bị, bei biibịbịmọ akị iné angọ bii: ‘Ọkpọnanaowei gbelemọ yọbị, mị Bible yọmị te ka kị ị tolumọ mịnị a o? Ịmịnị tebara ka mị Bible yọ akị tụa inyenrin mịnị a o? Ịmịnị tebara ka kị bei Bible yọbị akị baratụa zịnị-otu pịrị mịnị a o?’

3. Teeki baratụa ị́ pịrị ifie mịẹ paamọ wẹrị laa Bible goo mịnị a o?

Ifie mịẹ paamọ wẹrị Bible goo mụ yọmị kụrọ ị́ pịrị emi a o? Kụrọ biin kịmịama kị pịrị emi. “Iné ifie bị akị ebibara” fịrị wẹnị. (Ephesians 5:16) Erein bọọ Bible goo mụ ifie gbinipẹlẹ. Zụa kịmị-ama ifie mịẹ paamọ wẹrị pekei ka Bible goo mịnị. Zụa kịmịama bá, ereintịbị ka Bible goo mịnị. Má bẹẹ otu, buburu kọọ Bible goo mịnị. Te ifie kị ebi ị́ pịrị dẹịn emi a o?

EBIBARA TUUDỌỤ

Bible ị́ mọ goo wẹrị ebibara sụọtuu nimi mụ bara tolumọ nimi. Ị́ ka kị ebibara angọ tọlọmọ wẹrị laa iné Bible tolumọye duo arere nana mụ bara dii.

Collage: Kẹnị tọbọụ fịị dịsẹ a timi fịyaị bo dọlọ dọlọ dịsẹ nana mịnị. 1. Tọbọụ bị fịyaị mị akị mịẹ tei mịnị. 2. Omịnị tuu a fịyaị fị mị. 3. Omịnị bo dụba dẹ mị, omịnị fịyaị bọọ dịsẹ nana mị. — Bọlọụ ifie a dịsẹgha timi fịyaị, ị́mịnị tuu a bo dịsẹ nana a paa emi bara bị, omịnị kpọ Bible goo dịsẹ nana a paa emi

4. Bible goo ịmbẹlẹ emi bara bị

Koro Bible goo mụ yọmị bọụbọụgha. Anịa, bọlọụ ifie a dịsẹgha timi fịyaị, ị́mịnị tuu a bo dịsẹ nana a paa emi bara bị, omịnị kpọ Bible goo “dịsẹ nana” a paa emi. 1 Peter 2:2 goo dá, mị biibịbị kẹrị ẹrẹtei:

Ị́mịnị ereinmọsẹ Bible goo daba, Bible goo ị́ dịsẹ kụrọmọ mịnị a o?

VIDIO farị dá, zụa otu Bible goo a dịsẹ nana bara dii. Má kirianga bọọ emi biibịbịmọ kẹrị ẹrẹtei.

VIDIO: Asịyaị Pesi-otuama Dọlọ Dọlọ Ọkpọnanaowei Egberi Tarị Mịnị (5:33)

Vidio bolou mị, asịyaị pesi-otu te bụụdọọn yeama kị dẹịnmọ ma o?
Teeki baratụa a pịrị wẹrị pẹlẹgha bara Bible goo ma o?
Amịnị tebara ka kị anị Bible goo ye mịẹ ebimọ dẹịn ma o?

Baratụa ị́ pịrị koro Bible goo mịnị yemọ:

Ị́ goo wẹrị sụọtuu nimi má eti akị gbana a paa emi Bible kị sẹlẹ. New World Translation iné bẹẹlị bọọ emi aba ụ goo. Anịghakpọ ị́ sụọtuu nimi ebimọ wẹrị emi bẹẹlị akị gẹẹ wẹrị emi Bible goo.
Bọlọụ iné angọ a sụọ dẹịn emi yọ mọ kị goo. Baratụa ị́ pịrị mịnị yebị, ““Ị́ koro Bible goo mịnị bara bị” ekpedi dii.
Iné goo mịnị yebo gẹẹ koromọ. Bei fun bọọ ““Iné goo dẹ yemọ gẹẹ koromọ” Ekpedi bị akị fịrị wẹnị.
JW Library^® app akị fịrị wẹnị. Bei app mị baratụa ị́ pịrị wẹrị, iné emi yọ sẹ ị́mịnị laa phone, anịghakpọ phone mọ lei ye duo Bible goo a paa emi.
New World Translation bọọ emi appendiximọ akị fịrị wẹnị. Iné Bible goo ye mịẹ ịmbẹlẹmọ mịnị yeama emi gbaa maba map-ama, chart-ama, má glossary.

5. Angọ tọlọmọ wẹrị iné Bible tolumọ mịnị ifie koru

Psalm 119:34 goo dá, mị biibịbị kẹrị ẹrẹtei:

Bible goo anịghakpọ ị́mịnị ọngọ tolọmọ wẹrị iné Bible tolumọ ye koru mịnị bị tetuu kị duonị tẹẹbịbị yelaa emi a o?

Teeki baratụa ị́ pịrị ebibara iné Bible tolumọye duo arere nana mịnị a o? Ị́mịnị mị fun bị akị angọ tọlọmọ mịnị ifiesẹ, bei yemọ mịẹ:

Bọlọụ anga bọọ gẹẹ wẹrị emi yemọ goo.
Bible yọmọ goo, bá Bible yọbo tolumọ mịnị yọ mọ kẹnịsụọmọ emi bara dii ẹrị.
Biibịbịmọ paraị wẹrị emi ẹrẹ-ịmgbọụmọ a lelei tụa; bei yebị baratụa ị́ pịrị wẹrị, tolumọ yemị akị ị́ tolumọ mịnị ụbọ mọ ẹrẹtei mịnị.

Collage: Ere-araụ ọngọ tolọmọ timi anị Bible tolumọ mụ ifie koru mịnị. A. Erema tolumọ dọụ mịnị yọ bọlọụ akpakpa goo mịnị. B. Amịnị gẹẹ wẹrị emi Bible yọbo goo mịnị. C. Amịnị yelaa egberi bọọ lelei tụa mịnị.

Ị́ kpọ nimi ma?

Jehovah Iseriotu biin Bible-ama ka kị fịrị wẹni mịnị. Anịa, New World Translation of the Holy Scriptures kị wó dịsẹ dẹịn emi, tuu mị omịnị gaan, kịrị, má Ọkpọnanaowei ẹrẹ bị bolou bọọ emi.—Web article dii “Do Jehovah’s Witnesses Have Their Own Bible?”

ZỤA KỊMỊAMA GBAA MỊNỊ: “Bible tolumọ mụ yọbị kụrọ ị pịrị emi. Ị́ laa mịẹ a paa emi bara ị mọ tọngha má ịmịnị fomuun fa.”