Árị Tebara Kị́ Naá Bible Bị Diimọ́nimí A Ó?

BIBLE GBAANIMI YE BI

“Pěrepereegberimọ sẹ Ọkpọnanáowei ki kụrọ naá gẹẹotúmọ pịrịmị.”—2 Timothy 3:16, New World Translation.

BỊSÁ YE BI MỊẸ NỊ Ị PǏRỊNGỊ EBIMỌ

Ụndụ́ kụ̌rọ bǐibịbịmọ ghọ tọ̌rụkọ́rị paraịbịbịama.—Proverbs 2:1-5.

Erěin dǔo mú erěin lǎa ghọ diiwẹnị ẹ́gbẹ tolumọye.—Psalm 119:105.

Ịzọ́nbaị ǔkiemọye naá bọ̌lọụ bọ́ ghọ nananimí.—Romans 15:4.

WÓNI GESIIBARA BỊ́ KỤRẸỊ́ BIBLE GBAANIMI YE BI GBANAỊNGÍMA Ó?

Íin, iyěrikaa kị́ tǎraa tuú bịmẹẹ́nị:

• Tamamáa kẹnịsụọmẹịnye. Ẹmẹ̌nẹ kị̌mị ghọ́ 40 timit’mi bẹbẹtọrụ otu ki kụraị ghọ 1,600 dẹngịyọ naá Bible bị gẹẹmị. Ọrọ ghọ́ biín dẹngịị kị́mị dụụdụụ mọ́ kpọ gbelei ghá. Mọ̌abị kpọ́ eběbuu fun sẹ kẹ̌nị ěgberitịbị kị́ emí!

• Gěsimaịn pǎayeama. Biin ifíeama ọkpọbolóu paayegẹẹotu kị̌mịama ọ dẹngịmọ yemọ terimọ kị terimọ’ěmi. Bisei mọ bẹbẹ́ẹ bara ghọ, Bible gẹẹotumọ ẹmẹ̌nẹ ọ̌ngọ má ọrọ ibé mịẹgbalịị́ yemọ sẹ ki gẹẹmị.—2 Chronicles 36:15, 16; Psalm 51:1-4.

• Gěsii bụ̌rụegbriama. Bible bị oruseri Babylon opuama bị gbeingọ̌gọlọngimi abịbara naá ẹmẹ̌nẹ kụ̌raị ghọ 200 ki naá bọ̌lọụ wẹrịmọ́ gbǎami. (Isaiah 13:17-22) Erí Babylon korongi bara kụmọ gbaa gha ịndaá kẹ̌nịtịbị a gbẹ̌inngíbọ ẹrẹ kpọ sinmi!—Isaiah 45:1-3.

  Zǐni Bible bụ̌rụegberimọ kpọ kẹnị yọ́ kpọ kọọmọ gha bara paaběinmi. Ịndaa béi wó Ọkpọnanáowei Ẹrẹbịbị bọghọ dọụnimí bara bi gha ó?—2 Peter 1:21.