Dịẹmọyọ 1 Bọọ Emi Yebo 1

Bible mị bọlọụ bọlọụ Jehovah agọnọ mọ kiriogbo mọ a tẹmẹ ebiyebo kị gbaa wo pịrịmị. Ị́mịnị daụ anịghakpọ yin ụbọaba, baratụa iné tọbọụ pịrịdá Jehovah tẹmẹ wẹrịemi yebo nimi. Ọkpọnanaowei yebo tẹmẹbị kịmị-tọbọụ yelaa akị namabo dẹịn wẹrịemi bara bị mịẹgaan paamọ. Kịmị-tọbọụ laa ẹrẹ, ye-iroro, yeama mịẹpaamọ, duma tuun, má tẹẹbịbị kpọ mịẹmịnị. Anịa namabo bịsẹbara mịẹgha. Baratụa iné tọbọụ pịrịdá Jehovah kụrọ mọ, kịlịkịlị-nimiye mọ, má ómịnị wo tarị wẹrịemi yọ bọọ tọrụkẹrịyọ mịẹdịa.