Gimong a Mangtulong Kadatayo nga Agaramid Adalan
LAWAS TI OKTUBRE 8-14
10 min: Dagiti lokal nga anunsio ken Dagiti Pakaammo manipud Ti Ministeriotayo ti Pagarian. Nakabalankayo kadin para iti tay-ak? Ibalabala dagiti kasapulan a laonen ti bag para ti serbisio ti tay-ak, agraman Biblia, Panakirinnason Manipud kadagiti Kasuratan, ti polieto a Good News for All Nations, tracts, lapis, madama a tukon ken dagiti magasin, house-to-house record, ken dadduma pay. Ti pannakakabal ti isip iramanna ti pannakarepaso dagiti kangrunaan a punto nga itampok kadagiti literatura. Kasta met, agkararag maipaay ti nasantuan nga espiritu ken tulong tapno masarakan dagiti kimmarnero a tattao.—Fil. 4:6, 7.
20 min: “Sigaganetget a Mangiwaragawag iti Mensahe ti Pagarian.” Saludsod ken sungbat a panangwanas ti material. Kalpasan a mapagsasaritaan ti parapo 7, idemonstra no kasano ti panangitukon ti suskripsion a kas ti naisuhere idiay parapo. Usaren ti Topiko a Pagsasaritaan. Ipaganetget ti pannakasapul ti ganetget idiay tay-ak ti pangasabaan.
15 min: Maysa a panglakayen makisarita kadagiti sumagmamano a mapagulidanan nga agtutubo. Pagsasaritaan dagiti kangrunaan a puntos manipud libro nga Iyimtuod ti Agtutubo, kapitulo 17, “Isardengkon Aya ti Ageskuela?” Ipaganetget ti pannakasapul dagiti nagannak nga iwanwanda dagiti ub-ubbing iti panangpili iti kurso a mangtulong kadakuada a mangbukel ti masanguananda iti organisasion ti Dios ket ipangpangrunada ti intereses ti Pagarian.
Kanta 225 ken pangserra a kararag.
LAWAS TI OKTUBRE 15-21
10 min: Dagiti lokal nga anunsio. Report ti kuenta ken surat iti pannakaawat kadagiti donasion. Komendaran ti kongregasion iti panangsuportarda iti sangalubongan a trabaho.—Prov. 3:9.
20 min: “Agalisto a Mangirugi kadagiti Panangyadal ti Biblia.” Saludsod ken sungbat a panangwanas ti material. Ibaga ti bilang ti panangyadal nga ikonkondukta ti kongregasion. Idiay parapo 5, ipakita no kasano ti panangirugi ti panangyadal iti umuna a pannakisarita. Idemonstra ti diretso a pannakisarita, nga usaren ti maysa kadagiti introduksion idiay Panakirinnason a libro, panid 12 iti sidong ti “Panangyadal ti Biblia iti Pagtaengan.”
15 min: “Patpatgentayo dagiti Natataengan!” Palawag ti panglakayen, naibatay iti impormasion idiay Pebrero 1, 1986, a Ti Pagwanawanan, pinanid 28-9. Mangaramid ti lokal nga aplikasion. Agkomento maipapan iti panangasaba a kadua dagitoy a kakabsat idiay tay-ak ti pangasabaan, a di parpartakan ti magna tapno saanda a mabannogan la unay.—Job 15:10; Prov. 16:31; 1 Tim. 5:1, 2.
Kanta 116 ken pangserra a kararag.
LAWAS TI OKTUBRE 22-28
10 min: Dagiti lokal nga anunsio. Teokratiko a Damdamag. Mangited ti pammalagip iti urnos ti serbisio iti tay-ak, nga iparegta ti panangsuporta iti panangasaba iti rabii.
20 min: “Panangipateg kadagiti Payunirtayo.” Ti manangaywan ti serbisio makisarita kadagiti dua wenno tallo a payunir maipapan ti daytoy a tema. Saludsodanna dagiti payunir no kasano a pinatibkerda dagiti dadduma, ken pagkomentuen met ida no ania met ti nangparegta kadakuada iti uneg ti kongregasion. Komendaran ti kongregasion maipaay iti panangsuportarda kadagiti payunir.
15 min: “No Mangisurokayo, Danonenyo ti Puso.” Palawag a mangisalaysay kadagiti uppat a kangrunaan a punto idiay Pebrero 1, 1985, a Ti Pagwanawanan, pinanid 13-17. Tulongan dagiti dumdumngeg a mangapresiar ti pannakasapul ti panangikondukta kadagiti progresibo a panangyadal ti Biblia. Kasta met, agkomento no kaano met ti panangisardeng kadagiti saan a nabunga nga panangyadal.
Kanta 121 ken pangserra a kararag.
LAWAS TI OKT. 29–NOB. 4
8 min: Dagiti lokal nga anunsio. Paregtaen dagiti kakabsat maipaay ti panagiwaras ti magasin iti Sabado. Dua nga ababa a demonstrasion, ti maysa naipakita sadiay ti interes, daydiay sabali ti bumalay awan ti interesna kadagiti magasin ngem kayatna a basaen ti tract. No adda interes ti bumalay, ti agibumbunannag iturongna ti atension ti tao iti naisurat idiay panid 2 Ti Pagwanawanan maipapan ti sangalubongan a trabaho a panangisuro ti Biblia wenno panid 4 ti Agriingkayo! Ti panagtutungtong mabalin a lukatanna ti dalan a mangiyopreser ti libre a panangyadal ti Biblia.
15 min: “Panangiparang ti Naimbag a Damag—Babaen ti Saot’ Dios a libro.” Saludsod ken sungbat a panangwanas ti material. Iti panangkonsiderar ti parapo 4, idemonstra ti naisuhere a presentasion ti panangitukon ti Saot’ Dios a libro. No masaklawen ti parapo 5 ti artikulo, palubosan ti maysa a payunir a mangidemonstra nga usarenna ti panglukat a parapo idiay panid 5 tapno ipresentarna ti libro idiay teritoria ti negosio wenno panangasaba iti lansangan.
22 min: “Umaykayo iti ‘Nadalus a Pagsasao’ a Kumbension Distrito”—Paset Uno. Awisen ti agdengdengngeg a makipaset iti pannakasalaysay dagiti parapo 1-15 ken ti ababa a repaso ti “Dagiti Palagip iti Kumbension ti Distrito.”
Kanta 65 ken pangserra a kararag.
LAWAS TI NOBIEMBRE 5-11
10 min: Dagiti lokal nga anunsio. Iraman dagiti urnos maipaay iti panagserbi ti tay-ak iti ngudo ti lawas. Ipaay dagiti suhestion maipapan kadagiti artikulo dagiti agdama nga isyu ti magasin a mabalin a makaawis ti atension dagiti tattao idiay lokal a teritoria.
10 min: Dagiti Bendision Manipud Panangyaplikar kadagiti Bambanag a Maad-adaltayo. Iparang dagiti naisagana a nalaing a kapadasan no kasano a naipakat dagiti bambanag a naadal ken dagiti bendision a nasagrap dagiti kakabsat nga nangiyaplikar kadakuada. Paregtaen ti amin nga agalisto a mangiyaplikar kadagiti bambanag a naadal manipud kadagiti asamblea, linawas a gimgimong ken kadagiti publikasion ti Sosiedad.
25 min: “Umaykayo iti ‘Nadalus a Pagsasao’ a Kumbension Distrito”—Paset Dos. Awisen dagiti agdengdengngeg a makipaset iti pannakasalaysay dagiti parapo 16 agingga ti 29 iti insert. Ipaganetget dagiti Nainkasuratan a prinsipio a manggiya iti konduktatayo kadagiti kumbension. Paregtaen dagiti kakabsat a repasuenda ti insert kadagiti iyad-adalanda ti Biblia ken tulonganda ida a mangaramid kadagiti urnos tapno tumabuno.
Kanta 127 ken pangserra a kararag.