Gimong ti Serbisio iti Marso
Lawas ti Marso 6-12
13 min: Lokal nga anunsio ken napili a Dagiti Pakaammo manipud Ti Ministeriotayo iti Pagarian. Pagsaritaan ti Saludsod.
15 min: “Naikkan iti Adu—Adu ti Makalikaguman.” Saludsod ken sungbat. Paregtaen ti tunggal maysa nga agpanunot tapno agpalista nga auxiliary payunir bayat ti Abril.
17 min: “Panangiwaragawag ‘iti Sasao ti Padto.’” Repasuen dagiti tampok a lawagna. Awisen dagiti timmabuno a mangistoria kadagiti kapadasan a nagragsakanda a nangusar wenno nangipaima iti Apocalipsis a libro. Gutugoten ti amin nga agpositiboda a mangitukon iti libro, yantangay saklawenna dagiti agdama a paspasamak a pakaseknan ti tunggal maysa. Maadda ti maysa wenno dua a presentasion a maidemostra.
Kanta 31 ken pangserra a kararag.
Lawas ti Marso 13-19
10 min: Lokal nga anunsio. Report iti kuenta.
20 min: “Naintiempuan a Kingdom News a Maiwarasto iti Sangalubongan.” Palawag ti maysa a panglakayen. Maigunamgunam iti importansia ti sumungad nga espesial nga aktibidad bayat iti Abril ken Mayo. Guyugoyen ti amin, agraman agdadamo, nga agplanoda a maipaay iti naan-anay a pannakiraman. Amin a bautisado maparegtada nga ag-auxiliary payunir no kabaelanda.
15 min: “Makaad-adalkay Aya iti Naindaklan nga Instruktortayo?” Palawag a naibasar iti artikulo ti Pagwanawanan a Setiembre 15, 1994, pinanid 27-30. Yaplikar ti material iti lokal a kasapulan.
Kanta 36 ken pangserra a kararag.
Lawas ti Marso 20-26
15 min: Lokal nga anunsio. Idemostra ti panangusar ti pamilia iti 1995 Yearbook. Yebkas ti grupo ti pamilia ti panangipategda iti libro; irepaso ti ama iti ababa dagiti tampok a lawag ti pangiruangan a material iti pinanid 3-11. Pagsaritaanda no kasano a padasenda a basaen iti sumagmamano a pinanid ti Yearbook a sangsangkamaysa iti kada lawas ken siguruenda a kada aldaw usigenda ti naituding a teksto ti Biblia iti Panangsukimat Kadagiti Kasuratan iti Inaldaw-aldaw.
15 min: Lokal a kasapulan wenno maited ti palawag iti artikulo nga: “Apay nga Agsaokayo Maipapan iti Dios?” idiay Setiembre 22, 1994, nga Agriingkayo!, pinanid 13-15.
15 min: “Tulongan ti Sabsabali a ‘Mangtungpal Kadagiti Bambanag a Naisurat.’” Repasuen dagiti kangrunaan a punto, kalpasanna adda maysa wenno dua a panangiparang a maidemostra.
Kanta 52 ken pangserra a kararag.
Lawas ti Mar. 27–Abr. 2
5 min: Dagiti lokal nga anunsio.
15 min: “Ti Kangrunaan a Pasamak iti Natauan a Historia.” Malawagan a kadua dagiti timmabuno. Repasuen dagiti lokal nga urnos a maipaay iti Memorial. Mailawlawag no apay a kasapulan nga awisentayo dagiti interesado a tattao ken tulongan ida a tumabuno.
15 min: “Panangpennek iti Nagpateg a Kasapulan ti Tao Babaen ti Pammadayaw.” Palawag a naibatay iti artikulo ti Pagwanawanan a Disiembre 1, 1994, pinanid 28-30.
10 min: Panangitukon ti suskripsion Ti Pagwanawanan ken Agriingkayo! bayat ti Abril. Adu a suskripsion ti magun-odan kadagiti sasarungkaran ken yad-adalan iti Biblia. Repasuen dagiti sumaruno a singasing iti panangitukon ti suskripsion kadagiti balaybalay. Masapul ti naingayyeman nga isem. Narayraykayo koma. Agsaokayo a sibabannayat. Pagsaritaan ti maysa laeng nga artikulo iti maysa a magasin. Ipaiggem dagiti magasin iti bumalay. Ilawlawagyo a maadda kadakuada ti kada ruar a sumangpet iti pagtaenganda babaen ti koreo iti bassit a kontribusion. No dida kayat ti agsuskribe, itukon dagiti kaudian a magasin ken ibaga kadakuada nga agsublikayo a maitugot dagiti sumaruno a ruar. Maadda ti positibo a pammakada agpapan pay agkitakitda a mangala ti magasin. Idulinyo ti rekord dagiti amin [a naipakita] nga interes ken naipaima. Iti konklusion, idemostra ti maysa wenno dua nga ababa a presentasion a mausar dagiti agdama a ruar ti magasin.
Kanta 176 ken pangserra a kararag.