Saludsod

◼ Ania ti rumbeng a laglagipen no agsurattayo kadagiti bumalay a ditay madanon iti pagtaenganda?

Iti dadduma a lugar, ad-adda a narigat a madanon dagiti tattao no mapantayo kadagiti pagtaenganda. Natakuatan dagiti dadduma nga agibumbunannag a ti panagsurat ket praktikal a wagas a pangdanon kadakuada. Nupay mabalin a nasayaat ti resulta daytoy, nasken nga usigen ti sumagmamano a palagip tapno maliklikan dagiti di kasapulan a parikut:

Saanyo nga usaren ti direksion ti Sosiedad. Ipasimudaag daytoy a naggapu ti surat iti opisinatayo idinto ta saan, a mamataud iti di kasapulan a problema ken no dadduma kanayonan a gastos.

Siguraduenyo nga addaankayo iti umiso a direksion ken umdas a selio.

Diyo iturong dagiti surat iti “Bumalay”; agusarkayo iti espesipiko a nagan.

Dagiti ababa a surat ti kasayaatan. Mangiragpinkayo iti tract wenno magasin imbes nga agsurat iti atiddog a mensahe.

Nalaklaka a basaen ken ad-adda a makaay-ayo dagiti naimakinilia a surat.

Saan a maibilang a panagsarungkar dagiti surat malaksid no personal a nakasabaanyo idin ti indibidual.

No agsuratkayo iti maysa a tao a nangipakita idi iti interes, masapul nga itedyo ti direksion wenno numero ti telepono tapno maawagannakayo. Ilawlawagyo ti programatayo iti panagadal iti Biblia.

Awisenyo a makigimong iti lokal a kongregasion. Itedyo ti direksion ken ti oras dagiti gimong.