Teokratiko a Damdamag

◼ Opisial a nairehistro dagiti Saksi ni Jehova idiay Bulgaria idi Oktubre 7, 1998. Makipagyamantayo kadagiti 946 nga agibumbunannag sadiay ken Jehova gapu iti daytoy.

◼ Idi Oktubre 12, 1998, impalubos ti gobierno ti Latvia ti pannakairehistro ti umuna a 2 kadagiti 21 a kongregasion iti dayta a pagilian.

◼ Iti laksid ti ibubusor, napinget dagiti kakabsat idiay Francia iti panangikaskasabada iti Pagarian. Idi Nobiembre ken Disiembre, nayussuat ti maysa a kampania a mangawis iti atension ti pagilian iti Biblia. Naipamaysa dayta iti naisangsangayan a panagiwaras iti broshur a Libro Para iti Amin a Tao. Agarup 50 a Bethelite manipud Francia ti napan idiay Britania tapno tumulong iti sanga nga opisina nga agimprenta ken agipatulod iti literatura, bayat a dagiti nabati a 250 a miembro ti pamilia ti Bethel idiay Francia ken dagiti kakabsat iti tay-ak intultuloyda ti normal a serbisioda a buyogen ti rag-o.