Gimong ti Serbisio iti Pebrero
Lawas ti Pebrero 1
10 min: Lokal a pakaammo. Dagiti napili a Pakaammo iti Ministeriotayo iti Pagarian. Palagipan ti amin nga itedda dagiti reportda iti tay-ak ti serbisio para iti Enero.
17 min: “Itukon ti Libro a Kinaragsak iti Pamilia Kadagiti Tattao a Nagduduma ti Edadda.” Isalaysay ti panglakayen ti artikulo a kaduana ti dua wenno tallo a makabael nga agibumbunannag. Ipamaysa iti kalat a panangtulong kadagiti sabsabali tapno mabigbigda a ti sekreto ti kinaragsak iti pamilia ket agpannuray iti panangsurot iti patigmaan ti Biblia. (Kitaenyo ti Kinaragsak iti Pamilia, panid 9-12.) Idemostra ti maysa kadagiti naisingasing a presentasion. Ipakita no kasano nga iyurnos ti panagsarungkar.
18 min: “Ikawesyo Koma ti Baro a Personalidad.” Palawag, a panangusig iti Efeso 4:20-24. (Kitaenyo ti Marso 1, 1993, a Pagwanawanan, panid 14-18, parapo 4-17.) Ilawlawag no kasanotay nga uksoben ti daan a personalidad ket ikawestay ti baro. Isalaysay ti sumagmamano a galad nga iparparangarang dagidiay nakaaramid iti daytoy.
Kanta 4 ken pangserra a kararag.
Lawas ti Pebrero 8
10 min: Lokal a pakaammo. Report ti kuenta.
15 min: Lokal a kasapulan.
20 min: “Nagunggonaantayo Kadagiti ‘Dalan ti Dios iti Biag’ a Kombension.” Saludsod ken sungbat. Ipakita ti baro a libro ken broshur, ken mangdakamat kadagiti wagas a pangusarantay kadagitoy iti ministerio. Kas pagarigan, adda 40 nga ilustrasion iti kabbaro a broshur ken addada met naadaw a sasao nga agparang iti pangrugian ti kada seksion, a mabalin nga usaren a pangtukay iti interes dagiti tattao. Ipakita no kasano a maitampok ti maudi a seksion no itukon ti panagadal iti Biblia iti pagtaengan. Iti libro a Creator, mangipaay ti Kapitulo 10 iti makapnek a sungbat iti saludsod ti adu a tattao: “No maseknan ti Namarsua, apay nga adu unay ti agsagsagaba?”
Kanta 173 ken pangserra a kararag.
Lawas ti Pebrero 15
10 min: Lokal a pakaammo. Teokratiko a Damdamag.
18 min: Kasanotayo a Magunggonaan iti Panagpasalista iti Teokratiko nga Eskuelaan ti Panagministro? Pagsasaritaan ti tallaong nga idauluan ti manangaywan iti eskuelaan. Saan laeng a nairanta ti eskuelaan a pagsanayan dagiti agpalawag iti publiko. Adda pay sabsabali a wagas a direkta a pakagunggonaantayo. (Kitaenyo ti Giya ti Eskuelaan, panid 12-13.) Masursurotayo no kasano ti nasaysayaat a pannakisarita iti sabsabali a tattao. Masursuruantayo nga agsao a nabatad, kalmado, ken addaan panagtalek. Lumaingtayo a mangsungbat kadagiti saludsod maipapan kadagiti patpatientayo ken lumaingtayo a mangilawlawag kadagiti naibatay iti Biblia a desisiontayo. Manayonan ti pannakaammotayo iti Biblia, a tumulong kadatayo nga ad-adda nga epektibo a mangasaba kadagiti sabsabali. Masursurotay a bigbigen dagiti pagkurangantayo ken umawat iti balakad, nga agresulta dayta iti nasaysayaat a pannakilangentayo kadagiti sabsabali. Ti pakabuklan a panangsanay nga ipaay ti eskuelaan tulongannatayo nga agtultuloy a ‘makaanay a kualipikado’ kas ministro ti Dios.—2 Cor. 3:5, 6.
17 min: “No Kasano nga Agtitinnulong Dagiti Miembro ti Pamilia Tapno Makiramanda a Naan-anay—Iti Panagadal iti Biblia.” Pagsasaritaan ti sangapamiliaan. Usigenda no kasanoda nga iyap-aplikar dagiti singasing maipapan iti panagbasa ken panagadal ti pamilia iti Biblia a masarakan iti Mayo 15, 1996, a Pagwanawanan, panid 14-15, ken ti Oktubre 15, 1992, a Pagwanawanan, panid 16-17.
Kanta 57 ken pangserra a kararag.
Lawas ti Pebrero 22
10 min: Lokal a pakaammo.
15 min: Suksukimatenyo Kadi Dagiti Kasuratan iti Inaldaw? Palawag ken pagsasaritaan ti tallaong. Tinawen a mangipaay ti Sosiedad iti bokleta a Panangsukimat Kadagiti Kasuratan. Kas indibidual wenno sangapamiliaan, us-usarenyo kadi a naimbag daytoy a publikasion? Ilawlawag dagiti nasayaat a rason no apay a masapul nga usigentay ti inaldaw a teksto ti kasuratan. Isalaysay dagiti komento iti panglukat a sasao ti Panangsukimat Kadagiti Kasuratan iti Inaldaw-aldaw—1999, panid 3-4. Awisen dagiti agibumbunannag a mangisalaysay iti naisangsangayan a panagregget nga ar-aramidenda tapno mapagsasaritaanda ti inaldaw a teksto ket simamatalek nga agkomentoda kas indibidual ken pamilia.
20 min: No Kasanot’ Pananggun-od iti Rag-o iti Panagaramid ti Adalan. Palawag a naibatay iti Pebrero 15, 1996, a Pagwanawanan, panid 19-22.
Kanta 91 ken pangserra a kararag.