Eskediul ti Gimong ti Serbisio
Lawas ti Agosto 14
12 min: Lokal a pakaammo. Dagiti napili a Pakaammo iti Ministeriotayo iti Pagarian. Dua laengen a ngudo ti lawas ti nabati iti Agosto, isu a paregtaen ti isuamin a makiraman iti ministerio sakbay nga agngudo ti bulan. Repasuen ti eskediul dagiti taripnong para iti tay-ak ti serbisio iti ngudo ti lawas.
15 min: “Makirupakka iti Nasayaat a Dangadang iti Pammati.” Limitaran ti introduksion iti nakurkurang ngem maysa a minuto, a sarunuen ti saludsod ken sungbat. Dakamaten dagiti kanayonan a komento iti libro a Ministeriotayo, panid 44-5, no kasano nga organisaren dagiti konduktor ti Panagadal iti Libro ti Kongregasion ti panagserbi ti grupoda idiay tay-ak ken ipaayanda ti atension ti asinoman nga agkasapulan iti personal a tulong iti regular a pannakiraman iti ministerio ken panagreport.
18 min: No Kasanokayo a Magunggonaan iti Panageskuela. Kasarita ti ama dagiti annakna tapno tulonganna ida a mangbigbig no apay a makagunggona ti sekular nga edukasion. (Kitaenyo ti libro a Saludsod nga Iyimtuod ti Agtutubo, panid 133-9.) Marikna ti adu nga agtutubo a ti panageskuela ket pudno a maysa a karit iti agdama a nariribuk a sosiedad. Masikoranda met, nga ipapanda nga awanto unay ti praktikal a pateg ti maadalda. Repasuen ti ama dagiti Nainkasuratan a prinsipio ken dagiti nasayaat a rason no apay a nainsiriban ti pananggun-od iti umdas a sekular nga edukasion. Paregtaenna dagiti annakna nga agadal a naimbag ken agimdeng iti klase.
Kanta 127 ken pangserra a kararag.
Lawas ti Agosto 21
10 min: Lokal a pakaammo. Report ti kuenta. Iparang ti nasayaat ti pannakaensayona a demostrasion a mangipakita no kasano a sungbatan ti saludsod nga: “Apay a ti naayat a Dios ipalubosna ti panagsagaba nga agtultuloy iti kasta a kapaut?”—Kitaenyo ti libro a Panakirinnason, p. 297-8.
10 min: Palawag ti panglakayen maipapan iti “Saludsod.” Paregtaen dagiti amin a mangipaspasiar kadagiti interesado idiay Bethel nga ilawlawagda ti maitutop a panagkawkawes ken panaglanglanga a kasapulan ken isuda a mismo ti mangipakita iti nasayaat nga ehemplo.
25 min: “Ikagkagumaanyo Kadi ti Magunggonaan?” Saludsod ken sungbat.
Kanta 152 ken pangserra a kararag.
Lawas ti Agosto 28
10 min: Lokal a pakaammo. Palagipan ti amin nga itedda dagiti reportda iti tay-ak ti serbisio para iti Agosto. Dagiti konduktor ti Panagadal iti Libro ti Kongregasion palagipanda koma ti tunggal maysa iti grupoda tapno madagup amin a report inton Setiembre 6.
15 min: Lokal a kasapulan.
20 min: “Dagiti Gimong Gunggonaanna Dagiti Agtutubo.” Saludsod ken sungbat nga idauluan ti panglakayen. No pagsasaritaan ti parapo 8, usigen ti sumagmamano a praktikal a banag a tumulong iti nasaysayaat a konsentrasion ken panagimdeng kabayatan dagiti gimong. (Kitaenyo ti Setiembre 22, 1998, nga Agriingkayo!, panid 19-20.) Paregtaen dagiti nagannak a naingetda koma a mangpatabuno a regular kadagiti annakda iti amin a gimong.—Kitaenyo ti kapadasan iti Setiembre 1, 1997, a Pagwanawanan, panid 25.
Kanta 176 ken pangserra a kararag.
Lawas ti Setiembre 4
10 min: Lokal a pakaammo. Repasuen dagiti mapagsasaritaan a punto a mabalin nga usaren no itukon ti libro a Creation iti teritoria kabayatan ti Setiembre.
15 min: Naisangsangayan ti Kaaldawantayo. Palawag ti panglakayen a naibatay iti Nobiembre 15, 1996, a Pagwanawanan, panid 22-3.
20 min: “Agan-andurkay Kadi?” Palawag ken pagsasaritaan ti tallaong. Paregtaen ti amin nga utobenda ti personal a balligida iti panangipakita iti kinaandur iti Nakristianuan a ministerio. No agparang dagiti pagkapuyan, kasapulan a pabilgentay ti bagbagitayo iti naespirituan. Iraman dagiti komento iti Oktubre 1, 1999, a Pagwanawanan, panid 20-1, parapo 17-21. Mangawis iti dua wenno tallo nga agibumbunannag a nakapagandur a simamatalek iti adun a tawen tapno isalaysayda no ania ti ar-aramidenda a nakatulong kadakuada nga agandur.
Kanta 206 ken pangserra a kararag.