Eskediul ti Gimong ti Serbisio

Lawas ti Abril 11

Kanta 4

10 min: Lokal a pakaammo. Dagiti napili a Pakaammo iti Ti Ministeriotayo iti Pagarian. Agngudo inton Abril 17 ti espesial a kampania a panangiwaras iti Agtultuloyka nga Agbantay! Iti natda a paset ti Abril, itukontayo dagiti magasin. Usaren dagiti singasing iti panid 8 a mangidemostra no kasano nga itukon ti Abril 15 a Pagwanawanan ken ti Abril 22 nga Agriingkayo! Mabalin nga usaren ti dadduma pay a realistiko a presentasion. Iti maysa kadagiti demostrasion, mangaskasaba ti agibumbunannag iti lansangan.

15 min: “Itultuloyyo ti Mangasaba.”a No ipalubos ti oras, awisenyo ti tallaong a mangkomento kadagiti nadakamat a teksto.

20 min: “‘Makumikomkayo Koma Unay’ iti Ministerioyo.”b Iparegta ti 100% a pannakiraman iti espesial a kampania iti Abril. Paisalaysay iti dua wenno tallo nga agibumbunannag dagiti kapadasan a tinagiragsakda iti panangtulong kadagiti sabsabali kas naisingasing iti parapo 3-5.

Kanta 47 ken pangserra a kararag.

Lawas ti Abril 18

Kanta 76

5 min: Lokal a pakaammo. Iraman dagiti punto iti “Saludsod.”

20 min: “Panangikondukta Kadagiti Progresibo a Panagadal iti Biblia—Paset 7.”c Iti panangisagana iti daytoy a paset, agkonsulta iti Hulio 15, 2002 a Pagwanawanan, panid 27, parapo 5-6.

20 min: Panangparayray iti Interes Babaen ti Panangusar iti Baro a Broshur. Palawag ken pagsasaritaan ti tallaong nga ikondukta ti manangaywan iti serbisio. Nasken nga agsublitayo tapno parayrayen ti interes ti siasinoman a napaimaan iti broshur nga Agtultuloyka nga Agbantay! Babaen ti panangusar iti “Dagiti Linaonna” iti panid 2, sukimatenyo iti apagbiit dagiti linaon ti broshur, nga iturongyo ti atension kadagiti ababa a naitampok a benneg (a nailista iti regular a tipo iti babaen dagiti napuskol ti pannakaisuratda a paulo). Mabalin nga usaren daytoy a material para iti ababa ngem nabagas a panagsasarita kadagiti sumaruno a panagsarungkar. Kas pagarigan, no ti panid 3-4 ti naitampok iti damo nga isasarungkar, ti naitampok a benneg a “Pudno Kadi a Maseknan ti Dios?” iti panid 5 ket mabalin nga usaren iti sumaruno a panagsarungkar. Ilawlawag no kasano nga aramiden daytoy. Repasuen dagiti dadduma pay a naitampok a benneg, kas dagidiay masarakan iti panid 6-8 ken 17-18 wenno dadduma pay a maitutop iti lokal a teritoria. Mangidemostra iti panagsarungkar, a mausar ti maysa kadagiti naitampok a benneg. Basaen ken pagsaritaan ti maysa wenno ad-adu pay kadagiti nadakamat a teksto. Ingudo ti agibumbunannag babaen ti panangiturongna ti atension iti sabali pay a naitampok a benneg a mabalin a pagsaritaan iti sumaruno a panagsarungkar.

Kanta 169 ken pangserra a kararag.

Lawas ti Abril 25

Kanta 111

10 min: Lokal a pakaammo. Ibasa ti report ti kuenta ken iyebkas ti panagyaman kadagiti donasion. Ipalagip kadagiti agibumbunannag nga iteddan ti reportda iti serbisio iti tay-ak iti Abril. Usaren dagiti singasing iti panid 8 (no maitutop iti teritoriayo) a mangidemostra no kasano nga itukon ti Mayo 1 a Pagwanawanan ken ti Mayo 8 nga Agriingkayo! Mabalin nga usaren ti dadduma pay a realistiko a presentasion. Iti maysa kadagiti presentasion, idemostra no ania ti ibaga no adda agkuna iti, “Saanak nga interesado.” (Kitaenyo ti libro a Pannakirinnason, p. 16.) Dakamaten dagiti artikulo a nalabit ad-adda a makaawis kadagiti tattao iti teritoria.

20 min: Panangirugi Kadagiti Panangyadal iti Biblia Kadagidiay Napaimaan iti Baro a Broshur. Palawag ken pagsasaritaan ti tallaong nga ikondukta ti manangaywan iti serbisio. Repasuen iti apagbiit ti panagsarungkar a naidemostra iti napalabas a Gimong ti Serbisio, nga iturong ti atension nangnangruna iti naitampok a benneg a nadakamat iti pagnguduan dayta a panagsarungkar. Dagiti agibumbunannag a nagdemostra iti napalabas (no mabalbalin), usarenda dayta a material a mangidemostra iti sumaruno a panagsarungkar. Kalpasanna, ti agibumbunannag usarenna ti makinlikud nga akkub ti broshur a mangitukon iti panagadal iti Biblia, sa iyurnosna iti bumalay ti panangusigda iti leksion 1 ti broshur a Kalikaguman iti sumaruno a panagsarungkar. Paregtaen ti amin a mangikagumaan a mangirugi iti panangyadal iti Biblia kadagidiay napaimaan iti broshur nga Agtultuloyka nga Agbantay!

15 min: “Agaramidkayo iti Naimbag ken Tulonganyo Dagiti Sabsabali.”d Iyaplikar ti material sigun iti kasasaad iti lugaryo, a dakamatenyo dagiti praktikal a pamay-an no kasano a matulongantayo dagiti sabsabali.

Kanta 8 ken pangserra a kararag.

Lawas ti Mayo 2

Kanta 148

10 min: Lokal a pakaammo. Repasuen iti apagbiit ti artikulo a “Panagadal iti Broshur nga Agtultuloyka nga Agbantay!” iti panid 6. Dakamaten a naibalabala iti daytoy a material ti eskediul iti panagadal iti broshur. Paregtaen ti amin nga agsagana a naimbag ken makipaset iti linawas a panagadal, a mangrugi iti lawas ti Mayo 23.

15 min: Lokal a kasapulan. Mabalin nga iraman dagiti kapadasan iti panangsarungkar kadagidiay napaimaan iti Agtultuloyka nga Agbantay! Iyurnos a nasaksakbay ti pannakaidemostra dagiti aniaman a naisangsangayan a kapadasan.

20 min: “Maisalakan Dagiti Amin a Kita ti Tattao.”e Iyaplikar ti material iti lokal a teritoria.

Kanta 112 ken pangserra a kararag.

[Dagiti Footnote]