Eskediul ti Gimong ti Serbisio

Lawas ti Pebrero 13

Kanta 121

10 min: Lokal a pakaammo. Usaren dagiti singasing iti panid 8 wenno ti dadduma pay a presentasion a maitutop iti teritoriayo a mangidemostra no kasano nga itukon ti Pebrero 15 a Pagwanawanan ken ti Pebrero nga Agriingkayo! Iti maysa a presentasion, paidemostra ti panangasaba iti publiko a lugar.

10 min: Makidangdanggayka Kadi iti Organisasion ni Jehova? Palawag a naibatay iti Organisado a Mangaramid iti Pagayatan ni Jehova, panid 7-10.

25 min: “Isarsaritayo ti Maipapan iti ‘Silaw ti Lubong.’”a Iparang ti manangaywan iti serbisio. Paregtaen ti amin a tabunuanda ti miting inton Domingo, Pebrero 19, para kadagiti agngayangay nga ag-auxiliary pioneer. Iraman dagiti komento kadagiti pagtuladan nga eskediul ti panag-auxiliary pioneer iti panid 5 ti suplemento ti Pebrero 2005 a Ti Ministeriotayo iti Pagarian.

Kanta 224 ken pangserra a kararag.

Lawas ti Pebrero 20

Kanta 89

10 min: Lokal a pakaammo. Dagiti napili a Pakaammo iti Ti Ministeriotayo iti Pagarian.

15 min: “Mangbirokka Kadagiti Gundaway a Mangasaba.”b Pagkomentuen ti maysa nga agibumbunannag nga addaan iti narigat a kasasaad no kasano a nakabirok kadagiti gundaway a mangasaba.

20 min: “Maysa a Saranay a Sisasagana a Masarakan.”c Iparang ti panglakayen. Iraman dagiti ababa a komento kadagiti “Saludsod” iti Nobiembre 1998 ken Nobiembre 2000 a ruar Ti Ministeriotayo iti Pagarian.

Kanta 1 ken pangserra a kararag.

Lawas ti Pebrero 27

Kanta 20

10 min: Lokal a pakaammo. Ibasa ti report ti kuenta ken iyebkas ti panagyaman kadagiti donasion. Ipalagip kadagiti agibumbunannag nga iteddan ti reportda iti serbisio iti tay-ak iti Pebrero. Usaren dagiti singasing iti panid  8 wenno ti dadduma pay a presentasion a maitutop iti teritoriayo a mangidemostra no kasano nga itukon ti Marso 1 a Pagwanawanan wenno ti Marso nga Agriingkayo!

10 min: Lokal a kasapulan.

25 min: No Kasano nga Itukon ti Libro nga Isursuro ti Biblia. Iti Marso, itukontayo ti baro a libro. Usaren dagiti singasing iti panid 3-6 iti suplemento ti Enero 2006 a Ti Ministeriotayo iti Pagarian a mangrepaso ken mangidemostra kadagiti sumagmamano a presentasion a maitutop unay iti lokal a teritoria. Paisalaysay iti tallaong dagiti naisangsangayan a kapadasan a tinagiragsakda idi inusarda ti baro a libro, nangruna kadagiti nairugida a panagadal iti Biblia.

Kanta 148 ken pangserra a kararag.

Lawas ti Marso 6

Kanta 51

10 min: Lokal a pakaammo. Gapu ta nalag-an ken makaay-ayo ti itsura dagiti polieto, nagsayaat dagitoy a pangirugi iti saritaan no makiramantayo iti panagbalaybalay a ministerio, no mangasabatayo kadagiti publiko a lugar, ken no mangasabatayo iti di pormal. Usaren ti baro a polieto nga Asidegen nga Agpatingga ti Amin a Panagsagaba! a mangidemostra no kasano ti mangirugi iti saritaan. Dakamaten ti maysa kadagiti nakotar a teksto iti panid 2 ti polieto.

15 min: “Mangipakita iti Personal nga Interes—Babaen ti Panagsagana.”d Iraman ti ababa a demostrasion maipapan iti dua nga agibumbunannag nga agsagsagana a mangitukon iti libro nga Isursuro ti Biblia. Mangpilida iti presentasion manipud iti suplemento ti Enero 2006 a Ti Ministeriotayo iti Pagarian ken pagsaritaanda no kasanoda nga ibaga dayta iti bukodda a sasao ken no kasanoda nga ibagay iti teritoriada. Agngudo ti demostrasion inton irugidan nga ensayuen ti presentasion iti napigsa a timek.

20 min: “Usarenyo Dagiti Makaisuro a Visual Aid.”e Bayat a pagsasaritaanyo dagiti video a nadakamat iti artikulo, ipakitayo ti akkub ken basaenyo ti ababa a sasao a mangted iti pamalatpatan maipapan kadagiti linaon ti video. Paisalaysayyo iti tallaong dagiti kapadasanda idi inusarda dagiti video iti ministerioda.—Kitaenyo ti 1997 Yearbook, p. 54, ken ti 1995 Yearbook, p. 50-1.

Kanta 68 ken pangserra a kararag.

[Dagiti Footnote]