No Ania ti Ibagayo Maipapan Kadagiti Magasin

Ti Pagwanawanan Hul. 15

“Mabalin a maldaangantayo unay no adda matay a patpatgentayo. Iti panagkunayo, adda ngata kararuada nga agtultuloy nga agbiag? [Palubosanyo a sumungbat.] Impaay ni Jesus daytoy a makaliwliwa a kari. [Basaenyo ti Juan 5:28, 29.] Yantangay kinuna ni Jesus nga ‘um-umayen’ wenno asidegen ti panagungar, ilawlawag daytoy a magasin ti kuna ti Biblia maipapan iti no sadino ti ayan dagiti natay.”

Agriingkayo! Hul.

“Adu ti mangikagkagumaan nga agbalin a nasingpet ken patienda a napateg ti panagbalin a naimbag a tao. Kasta met kadi ti panagriknayo? [Palubosanyo a sumungbat.] Imutektekanyo no ania ti pagdaksanna no ti panangmatmattayo iti naimbag ket naiduma iti panangmatmat ti Dios. [Basaenyo ti Proverbio 14:12.] Ilawlawag daytoy nga artikulo no ania ti kayat a sawen ti panagbalin a naimbag a tao iti imatang ti Dios.” Itampokyo ti artikulo a mangrugi iti panid 20.

Ti Pagwanawanan Ago. 1

“Kayatko koma a maammuan ti opinionyo iti daytoy a kinuna ni Jesus. [Basaenyo ti Mateo 5:3.] Iti panagkunayo, napateg kadi ti espiritualidad tapno agbalintayo a naragsak? [Palubosanyo a sumungbat.] Ipakita daytoy a magasin no ania ti kuna ti Biblia maipapan iti pudno nga espiritualidad ken no kasano a maaddaantayo iti kasta.”

Agriingkayo! Ago.

“Ania ti ammoyo a pakasarakan dagiti nagannak iti balakad a talaga a makatulong kadakuada? [Palubosanyo a sumungbat.] Imutektekanyo daytoy a kari ti Biblia. [Basaenyo ti 2 Timoteo 3:16.] Ipakita daytoy a magasin no kasano kaepektibo ti Biblia iti panangtulong kadagiti nagannak tapno mapadakkelda a naragsak dagiti annakda.”