No Ania ti Ibagayo Maipapan Kadagiti Magasin

Ti Pagwanawanan Hul. 15

“Iti panagkunayo, addanto ngata gobierno a makarisut kadagiti parikut ti sangatauan? [Palubosanyo a sumungbat.] Insuro ni Jesus kadagiti adalanna nga ikararagda ti kasta a gobierno kas ipakita dagiti sasaona a nailanad iti Mateo 6:9, 10. [Basaenyo.] Ilawlawag daytoy a magasin no apay a natantan-ok ti Pagarian ti Dios ngem dagiti gobierno ti tao ken iladawanna dagiti bendision nga itden ti Pagarian agpaay iti sangatauan.”

Agriingkayo! Hul.

No adda makasaritayo nga agtutubo, mabalinyo a kunaen: “Adu a kaedadmo ti mangpampanunot iti panagasawa. Iti panagkunam, sadino ti pakasarakan iti mapagtalkan nga impormasion maipapan iti dayta a topiko? [Palubosanyo a sumungbat.] Imutektekam no siasino ti namunganay iti panagasawa. [Basaenyo ti Mateo 19:6.] Salaysayen daytoy a magasin dagiti sumagmamano a pagannurotan iti Biblia a makatulong kadatayo a mangbangon iti naragsak a panagasawa.”

Ti Pagwanawanan Ago. 1

“Gagangay itan ti pannakakita kadagiti tattao a mangmalmaltrato kadagiti sabsabali. Iti panagkunayo, agbaliw ngata ti kasasaad no ad-adu a tattao ti mangyaplikar kadagiti sasao ni Jesus? [Basaenyo ti Mateo 7:12 sa palubosanyo a sumungbat.] Daytoy a magasin ipakitana manipud iti Biblia no kasano a magun-odan ti kangrunaan a kalintegan ti tao maipapan iti dignidad.”

Agriingkayo! Ago.

“Interesadotayo amin iti nasayaat a pannakaay-wan ti salun-at. Ammoyo kadi nga adu a doktor ita ti agkedked a mangyalison iti dara? [Palubosanyo a sumungbat.] Ilawlawag daytoy a magasin no apay. Ilawlawagna pay manipud iti Biblia no apay nga ibilang ti Dios a napateg ti dara.” Basaenyo ti Levitico 17:11.