Nasayaat a Pamay-an ti Panangtagiragsak Kadagiti Kanta ti Pagarian
Dagiti agserserbi iti Dios ibilangda ti musika kas nagsayaat a sagut manipud ken Jehova. (Sant. 1:17) Adu a kongregasion ti mangtagtagiragsak a mangpatokar iti nakapsut kadagiti kanta ti Pagarian sakbay ken kalpasan dagiti gimong ti kongregasion. Makapabang-ar a mangngegan dagiti maipatpatokar a nateokratikuan a musika apaman a makasangpettayo iti Kingdom Hall sakbay dagiti gimong. Daytoy ti tumulong kadatayo a mangisagana iti isiptayo para iti gimong. Maysa pay, ti panangpatokar kadagiti kabbaro a tonada dagiti kanta manipud iti pagkantaantayo ket makatulong tapno makabesado ken makantatayo a siuumiso dagita. Dagiti kasta a musika a maipatokar kalpasan ti gimong taginayonenna ti makapabang-ar nga atmospera bayat dagiti makaparegta a panaglalangen. Gapuna, masapul a mangaramid dagiti bagi dagiti panglakayen kadagiti maitutop nga urnos a mangipatokar iti musika manipud iti Sing to Jehovah—Piano Accompaniment sakbay ken kalpasan dagiti gimong. Ngem masapul a siguraduenda a saan unay a napigsa tapno saan a makaisturbo bayat ti panaglalangen.