Naorganisar a Mangasaba iti Amin

No kasano nga inorganisar ni Jehova dagiti Israelita, or-organisarenna met ti ilina ita a mangaramid iti pagayatanna. Iti intero a lubong, dagiti sanga nga opisina, sirkito, kongregasion, ken grupo iti panangasaba ket agtrabtrabaho a sangsangkamaysa tapno maikasaba ti naimbag a damag. Kasabaantayo ti amin, agraman dagiti agsasao iti sabali a lengguahe.—Apo 14:6, 7.

Pinampanunotmo kadin ti agsursuro iti sabali a lengguahe tapno matulongam ti dadduma a mangammo iti kinapudno? Uray no awan ti panawenmo nga agadal iti sabali a lengguahe, mabalinmo nga usaren ti JW Language app nga agsursuro kadagiti simple a presentasion. No usarem dagita iti ministerio, mariknamto ti ragsak a kas iti narikna dagiti umuna a siglo a Kristiano idi nangngeg dagiti tattao manipud iti sabali a pagilian dagiti “nakaskasdaaw nga aramid ti Dios” iti lengguaheda.—Ara 2:7-11.

BUYAEN TI VIDEO NGA AGBALINKA A GAYYEM NI JEHOVA—MANGASABA ITI SABALI A LENGGUAHE, SA SUNGBATAN DAGITOY:

• 

  Kaano a mabalinmo nga usaren ti JW Language app?

• 

  Ania ti dadduma a feature-na?

• 

  Ania ti lengguahe dagiti tattao iti teritoriayo?

• Ania ti aramidem no makasarakka iti interesado iti mensahe ti Pagarian ngem sabali ti lengguahena?—od 100-101 ¶39-41