Agsubli dagiti Buaya

Gapu iti adu a dekada a nasaknap a panaganop, iti kas iti kasapa iti agtengnga a 1960’s naipakaammo a ti buaya mammanodan ken agpegpeggaddan. Nupay kasta, ti panagsublida iti makin-abagatan a daya a luglugar iti Estados Unidos ti nakaskasdaaw unay ta dagiti agkarayam nga an-animal mangipapaaydan iti pagam-amkan iti umad-adu a populasion.

Dagiti ahente ti panaganop iti Florida ti mangtaming kadagiti agdagup iti 18 a reklamo iti inaldaw a pakainaigan dagiti buaya nga agngatngatingat kadagiti dinguen a taraken ti pamilia, agbilbilag kadagiti pagay-ayaman iti golf, matmaturog kadagiti kalkalsada, wenno agpaspasiar kadagiti pagnanaedan a luglugar. Mabalin a nakarikrikut dagiti pagbanaganna. Idi napan a tawen agarup siam a panangatake ti buaya kadagiti tattao ti naipadamag idiay Florida laeng. Maysa kadagitoy ramanenna ti maysa a walo-ti-tawenna isu a naatake bayat ti panagmasngaadna iti sibay ti libtong ti pato idiay Walt Disney World.

Iti panagkomentona maipapan iti parikut iti awan lislisianna nga ugali ti buaya a pannangan, inlawlawag ni Kapitan Bob Poole iti Florida Game and Fresh Water Fish Commission: “Pudno a ti buaya dina ammo ti nagdumaan iti ima ti tao ken ti payak ti maysa a manok.”

[Picture Credit Line iti panid 31]

Gatorama photos