Manipud Managbasatayo

Panaglalasin

No ti organisasionyo inay-ayatna dagiti tattao iti kasta unay, apay a dikay kondenaren ti panaglalasin sigun iti kasasaad dayta? (Hunio 22, 1988) Kinaranggas! Adda iti tunggal Kristiano nga agkuna a sipapanayag nga adda ti Dios kadagiti puspusoda a mangkondenar iti panaglalasin. Isingasingko a ti organisasionyo ket kondenarenna a sipapanayag ken iti publiko ti panaglalasin ken amin dagiti dadduma a panangilupitlupit iti lubong!

S. C., England

Kaaduan kadagiti managbasami siuumiso a maawatanda a kagurami ti panangilupitlupit gapu iti rasa, ngem dayta ket iyebkasmi a buyogen ti kinadayaw a maitunos iti panangtaginayon kadagiti pagalagadan ti “Agriingkayo!”​—ED.

Diak makasarak iti biddut [iti artikulo maipapan iti panaglalasin], ngem mariknak a tuktukoyenyo a ti Iglesia dagiti Saksi ni Jehova ti kakaisuna a mangiparparegta iti daytoy a panaglalaok ti rasa. Maysa a ladawan ti napauluan “Ti panagtutunos ti rasa kadagiti Saksi ni Jehova idiay Sud Africa awisenna ti adu iti mensahe ti Pagarian.” Diak makisuppiat iti daytoy a sasao, ngem itudtudok laeng a kasta met ti panagtutunos kadagiti Ig-iglesia a Metodista a mangpadpadas a mangsabet ti Negro ket abrasaenda.

D. H. K., England

Pudno nga umanamongkami nga addada dadduma nga indibidual kadagiti lokal nga ig-iglesia a mabalin nga addaan iti naparang-ay a relasion iti rasa, ngem nalawag a dayta ket saan a gagangay iti intero a kasasaad, kas inamin dagiti klero a Metodista ken Congregationalist a naadaw iti panid 6 daytoy nga artikulo. Bayat dagiti adun a tawtawen dagiti Saksi ni Jehova iti intero a Sud Africa ken iti sangalubongan ti kankanayon ken siuulimek a nakaipasdek ti di maparisan a rekord iti relasion iti rasa nga awan ti dakes a napolitikaan a panagdedebate wenno saan a legal a pannakisaranget iti gobierno.​—ED.

Tiempo

Kas maysa nga ehekutibo iti negosio, nabayagen nga interesadoak iti panangimaton iti tiempo. Ti artikuloyo a “Ti Tiempo​—Dakayo Aya ti Apona wenno Adipenna?” (Disiembre 8, 1987) ket nagballigi a nangiparang iti uneg laeng ti uppat a panid kadagiti nasaysayaat, ad-adda a praktikal, ken nalaklaka a maawatan a balakad ngem kadagiti naawatko kadagiti seminar wenno manipud kadagiti liblibro.

W. K., Federal Republic of Germany

Dayta nga artikulo ket maitutop la unay a kasla guantes kadagiti kasapulak. Idi nakitak ti ladawan iti panid 26, naan-anay a nailasinko ti bagik a kas iti ladawan iti maysa a di naurnos a tao a mangpadpadas a mangaramid iti sumagmamano a trabaho iti mamimpinsan. Binasak ti artikulo iti namin-ano a daras, a minarkaak dagiti kangrunaan a punto nga agaplikar kaniak. Inaramidko dagiti singasing ket maragsakanak a makakita nga iti ngudo ti Lunes, nabaelakon a tinaming ti innem kadagiti sangapulo a trabaho nga inlistak. Ti kayatko isu ti prangka a pamay-an a panangtaming iti tema​—awan ti naikeddeng a paglintegan no di dagiti laeng singasing a napno iti pannakipagrikna, kas iti: ‘Masapul a nalakakayo nga agbaliw, padasenyo ida, aramidenyo ida, kitaenyo no ania kadagitoy ti agkurri a maipaay kadakayo.’

D. C., Brazil

Dagiti Singin

Ti artikuloyo maipapan kadagiti singin (Abril 22, 1988) ti pudno a nangtulong kaniak a makaawat ti nagdumaan dagiti annakko a babbai. Dagitoy ket makaay-ayo a babassit nga ubbing a babbai a naan-anay a nakaskasdaaw ti panagdumada (ti maysa napudaw ken asul ti matana, ti maysa kayumanggi ken kolor kape ti matana). Dagitoy ti napadakkel a kas naglasin a tattao, kaskasdi addaanda iti singgalut a di nakapapati. Ti maysa ket agsangit a maipaay iti botena ket madina met a susuen, ngem sardenganna ti “panagsangitna” apaman a ti kasinginna maawatnan ti botena. Nangnangngegakon dagitoy a bambanag kadagiti identical a singin ngem saanko a pulos a nangngeg dayta kadagiti singin a fraternal. Pagyamanan.

R. L. R., United States