Manipud Managbasatayo

Dagiti Dinosaur Nasarakak ti Pebrero 8, 1990, a bilang maipapan kadagiti dinosaur a makaawis. Nalawag ti pannakailawlawagna, nagsayaat dagiti argumentona, nalaka a maawatan agpadpada dagiti masirib ken saan, dagitoy nga artikulo makaawisda. Impagarupko nga adut’ pannakaammok maipapan kadagiti dinosaur ngem mabigbigkon a ti pannakaammok ket pangkaaduan.

U. A., Pederal a Republika iti Alemania

Kankanayon a pampanunotek no aniat’ napasamak kadagiti dinosaurs. Nupay no maysaak a senior high school, pulos a diak nangngegan ti kasta a pudno unay ken mapapati a sungbat.

S.S., Estados Unidos

Ti anakko nga uppat laeng ti tawenna, tinagiragsakna unay dagiti ilustrasion, yantangay dagitoy a nagdadakkelan a dinosaur ket makapainteres unay kenkuana. Tinagiragsakkon dagiti di nakapapati nga artikuloyo nanipud idi Nobiembre, idi rinugiak ti nagadal iti Biblia. Nakababain ta adut’ napalabesko idi napalabas!

M. G., Mexico

Bautismo Agyamanak maipaay iti artikulo nga “Agimtuod dagiti Agtutubo . . . “Masapul Aya nga Agbautisarak?” (Marso 22, 1990) Ti kapadasan ni Susana iti pangrugian ti artikulo ti nangparagsak unay iti pusok. Nagdedikarak iti Dios idi addaak iti maikanem a tawen iti eskuelaan elementaria, ket pudno a natulonganak nga agtalinaed a nabileg iti pammati. Saan kadi a nakaskasdaaw no amin dagiti Kristiano nga agtutubo ipakitada ti isu met laeng a debosion a kas ti Etiope a eunuko ket imtuoden, “Aniat’ makalapped kaniak a mabautisaran?”—Aramid 8:36.

M. A., Japan

“Greenhouse Effect” Maysaak a 15-años nga estudiante iti high school ket kayatko nga iyebkas ti panangapresiarko maipaay iti Enero 22, 1989, nga artikulo maipapan iti ozone layer ken dagiti artikulo maipapan iti “greenhouse effect” iti Setiembre 8, 1989. Babaen ti panangusarko iti impormasion kadagitoy nga artikulo, nakapagsuratak iti maysa nga essay maipapan iti topiko a mapagsasaritaan, isu a naikkanak iti nangato a marka.

J. B., Australia

Karera a Panagmodelo Agyamanak unay iti artikuloyo maipapan kadagiti karera a panagmodelo. (Enero 8, 1990) Ti anakko a babai ket maysa a modelo nga ubing sakbay ti panagadalmi iti Biblia. Pinagsaritaanmi a dua ti artikulo. Pudno; ti epekto ti panagmodelo iti anakko a babai isut’ panangiparikna kenkuana nga isut’ numero uno, a nasaysayaat ngem ti siasinoman. Agpadakami nga agyaman maipaay iti artikulo. Saanen a modelo ti anakko a babai, ket ni Jehova ti numero uno iti biagna—imbes a ti bagina.

N. J., Canada

Ti Jeepney Maysaakon a managbasa iti Agriingkayo! iti sangapulo a tawen. Awan ti pumada a literatura no maipapan iti panangpili iti material, dagiti ladawan, ken ti kinaumiso iti pannakaiparangna. Nabayagen a kayatko nga ibaga daytoy, ngem kalpasan ti panangbasak iti Nobiembre 22, 1989, nga artikulo a “Ti Jeepney—Mangyakar kadagiti Tattao iti Filipinas,” diakon mamedmedan ti bagik. Makapainteres ti makaammo no kasano ti panagbiag dagiti tattao iti dadduma a paset iti daga. Ti napudno a pamay-an a panangiparang ti Agriingkayo! iti material dinatay laeng pakaammuan no di ket ipannatay kadagitoy a luglugar!

E. P. S., Brazil

Operasion iti Utek Diak magawidan dagiti luak idi nabasak ti kapadasan ni Bethel iti bilang nga Abril 22, 1990. Agyamanak ken Jehova ta nakalasat iti operasion ti utek. Ti maysa nga agtutubo a babai nga addaan iti kasta a naespirituan a kalat ken natibker a pammati a mangsaranget iti ipapatay maiparbeng iti panangidayawtayo. Kaedadko ni Bethel ket agpada dagiti kalatmi. Ket nupay inanamaek a diakto pulos masarakan ti bagik iti kasta a kasasaad, inanamaek a ti pammatik masarangetnanto ti pannakasubok nga addaan iti kasta met laeng a naragsak a pagbanagan.

T. V., Italia