Matawid Aya ti Alkoholismo?

Kadagiti dadduma a tao, pagarupen dagiti sientista a ti pagannayasan iti alkoholismo mabalin a matawid babaen iti naisangsangayan a gene, sigun iti maysa a panagadal nga impadamag ti The Journal of the American Medical Association. Kunaenna a nailasinnan ti maysa a gene a mamagpeggad kadagiti tao nga agbalin nga alkoholiko. Nupay kasta, mamakdaar dagiti sientista nga awan ti maymaysa a gene a mangiturong iti alkoholismo. Kinuna ti pangulo iti grupo a nagsirarak: “Ti naparabur nga Apo di nangaramid iti alkoholiko a gene, no di ket nangaramid iti maysa nga agparang a mairaman iti kababalin a mangsapul iti ragragsak.”

Intuloy ti report: “Kinuna dagiti managsirarak nga awan ti maymaysa a gene, agraman daytoy, a mangpataud iti amin a kita ti alkoholismo. Dadduma a tao nga addaan iti gene nga inadalda ti di nagbalin nga alkoholiko, ngem dadduma nga awanan iti gene nagbalinda nga alkoholiko . . . Dagiti bambanag iti kagimongan ken iti kultura mabalin a rugianna ti saplit kadagiti adu nga alkoholiko.”