“Dagiti Kasayaatan a Magasin a Magun-odan”
NABIIT pay a nakaawat dagiti editor ti Agriingkayo! iti surat manipud ken Lisel, 18 ti tawenna nga estudiante iti haiskul idiay Estados Unidos. Kastoy ti insuratna:
“Agad-adalak iti history subject a para kolehio. Adda makalikagum a research paper a nalawa ti saklawenna, ket pinilik nga isurat ti maipapan iti moral a kinatibker dagiti Saksi ni Jehova iti Nazismo idiay Alemania iti sidong ti Third Reich. Kayatko koma ti agkiddaw iti listaan dagiti reperensia nga adda iti udi ti artikulo ti Agriingkayo! a napauluan ‘Dagiti Saksi ni Jehova—Natured Uray Naipasango iti Peggad Kadagiti Nazi,’ iti ruar a Hulio 8, 1998. Nasirarak a nalaing dagiti impormasion iti artikulo ken lohikal ti pannakaisuratna, ket uray kagudua laeng ti kinarayray ken kinaumisona ti maidatag ti research paper-ko, dakkelto a pammaneknek dayta inton malpas iti grupo a mangadal iti gapuanak.
“Agyamanak iti agtultuloy a panangaramidyo kadagiti kasayaatan a magasin a magun-odan. Iti tunggal ruar, umaw-awatak iti ‘sursuro maipapan iti panagputar’ a nasaysayaat nga amang ngem ti aniaman a naitukon idiay eskuelaanmi, ket daytoy ti mamagregget kaniak nga agtultuloy a mangparang-ay iti tunggal research paper-ko. Maammuanyo koma nga apresiarek ti maar-aramidanyo.”
[Picture Credit Line iti panid 22]
Makintengnga a ladawan: Państwowe Muzeum Oświęcim-Brzezinka, courtesy of the USHMM Photo Archives