Dagiti Gagayyem ti Dios Liklikanda ti Dakes

Sulisogen ni Satanas dagiti tattao nga agaramid iti dakes. Ti tao nga agtarigagay a makigayyem iti Dios masapul a guraenna ti guraen ni Jehova. (Salmo 97:10) Adtoy ti dadduma kadagiti bambanag a liklikan dagiti gagayyem ti Dios:

Dagiti Seksual a Basol. ‘Dika makikamalala.’ (Exodo 20:14) Dakes met ti makidenna sakbay ti panagkasar.​—1 Corinto 6:18.

Panagbartek. “Dagiti managbarbartek . . . didanto tawiden ti pagarian ti Dios.”​—1 Corinto 6:10.

Panangpapatay, Aborsion. “Dika mamapatay.”​—Exodo 20:13.

Panagtakaw. “Dika agtakaw.”​—Exodo 20:15.

Panagulbod. Kagura ni Jehova ti “naulbod a dila.”​—Proverbio 6:17.

Kinaranggas ken di Makontrol nga Unget. “Ti agayat iti kinauyong guraen [ni Jehova].” (Salmo 11:5) “Dagiti aramid ti lasag [ramanenna] . . . dagiti irarasuk ti unget.”​—Galacia 5:19, 20.

Panagsugal. “Isardengyo ti makikadkadua iti asinoman . . . a . . . naagum.”​—1 Corinto 5:11.

Gura gapu iti Rasa ken Puli. “Itultuloyyo nga ayaten dagiti kabusoryo ket ikararaganyo dagidiay mangidaddadanes kadakayo.”​—Mateo 5:43, 44.

Dagiti ibagbaga ti Dios kadatayo agpaay a pagimbagantayo. Talaga a narigat a liklikan ti agaramid iti dakes. Babaen ti tulong ni Jehova ken dagiti Saksina, maliklikam ti agaramid kadagiti bambanag a di makaay-ayo iti Dios.​—Isaias 48:17; Filipos 4:13; Hebreo 10:24, 25.