BENNEG 1

Ti Saanmo a Kasekso

Nakakitaka iti lalaki ken babai nga agin-inniggem iti ima bayat a magmagnada iti pasilio ti eskuelaan kalpasan ti klaseyo. Ania ti mariknam?

□ Awan aniamanna kaniak

□ Medio umapalak

□ Umapalak unay

Kaduam dagiti gagayyemmo iti pagsinean idi madlawmo a sika laeng ti awan kaparehana. Ania ti mariknam?

□ Awan aniamanna kaniak

□ Medio alusiisenak

□ Umapalak unay

Addan kain-innarem ken masansan a kadeyt ti kasingedan a gayyemmo. Ania ti mariknam?

□ Maragsakanak

□ Medio umapalak

□ Nasakit ti nakemko

Iti sadinoman a papanam​—idiay man eskuelaan, iti lansangan, iti pagtagilakuan​—makakitaka kadagiti agtutubo nga agdedeyt. Tunggal makitam ida, napigsa ti tarigagaymo a maaddaan koma met iti kaayan-ayat. Ngem nakasaganaka kadin a makideyt? No nakasaganakan, kasanoka a makabirok iti maibagay kenka? No nakabirokkan, kasanoyo a mataginayon ti nadalus a relasionyo bayat dagiti panagdeytyo? Masungbatan dagitoy a saludsod iti Kapitulo 1-5.

[Ladawan iti panid 12, 13]