Ipalgak ti Sangaparsuaan ti Dayag ni Jehova

1. Pagaammok unay, O Jehova,

Ti langit, dayagmot’ ipalgakna.

Aldaw-rabii a saksiannaka,

Ket makasursuro ti naemma.

Aldaw-rabii a saksiannaka,

Ket makasursuro ti naemma.

2. Amin a parsuam nakaskasdaaw;

Init, bulan, bitbituen, ken taaw.

Ngem nupay ti tao ket nanumo,

Adda latta iti panunotmo.

Ngem nupay ti tao ket nanumo,

Adda latta iti panunotmo.

3. Linlintegmo, bin-ig a nasin-aw.

Pammalagip, itdem nga inaldaw.

Amin a bilinmo tungpalenmi,

Agpaay a pagsayaatanmi.

Amin a bilinmo tungpalenmi,

Agpaay a pagsayaatanmi.