Mabalintay Kadi nga Itukon ti Libro a Creator?

Naragsakantay amin nga immawat iti libro nga Is There a Creator Who Cares About You? iti kallabes a kombension distrito. Naisangsangayan ti pannakadisenio daytoy a libro para kadagidiay nalabit di mamati iti Dios nupay edukadoda unay iti sekular a bambanag. Adda dumegdegdeg a panagkasapulan a risuten daytoy a libro.

Gapu kadagiti praktikal a rason, dagiti binulan a tukon ket masansan nga itampokda dagiti publikasion nga ad-adu ti maatrakarna. Kayatna kadi a sawen a ditay koma ituktukon ti libro a Creator? Saan a kasta! Mabalin nga itukon daytoy a libro iti aniaman a kanito iti intero a makatawen kadagidiay di mamati iti Dios ken mabalin a mabenepisiaran iti dayta. Mabalin met nga itukon dayta kadagidiay mamati iti Dios ngem dida maawatan a talaga ti kinasiasinona wenno no ania dagiti galad ken pangpanggepna. Gapuna, maparegtakayo a mangitugot iti kasta a libro dita bag a pangaskasabayo ket sidadaankayo koma a mangitukon iti dayta iti siasinoman a pagarupenyo nga interesado a mangbasa.