Saludsod

◼Rumbeng kadi nga adda maisab-it a kompleto a mapa ti teritoria ti kongregasion iti Kingdom Hall?

Wen, rumbeng nga adda naikuadro a kompleto a mapa ti teritoria sa maisab-it iti diding ti Kingdom Hall. Saan koma a maikabil ti mapa iti information board. Rumbeng a makita ti isuamin a beddeng ti teritoria ti kongregasion ken dagiti beddeng ti tunggal teritoria agraman ti pannakanumerona. Masapul a mamarkaan dagiti beddeng ti teritoria ti amin a kongregasion a mangus-usar iti isu met la a Kingdom Hall. Makatulong met kadagiti isuamin a mangsapul iti nakaitudinganda a grupo no maipakita dagiti lugar nga ayan dagiti Panagadal iti Libro ti Kongregasion.

No adda maisab-it a kasta a mapa, makatulong daytoy kadagidiay mayat a mangpili iti teritoria nga asideg iti pagtaenganda. No dadduma, mabalin a basbassit nga oras ti mabusbos kadagiti taripnong sakbay a mangasaba, ket al-alisto nga ipatuldo ti konduktor ti kada grupo dagiti agibumbunannag iti papananda a teritoria.

Paneknekan met daytoy a mapa a naorganisar ti kongregasion a mangikasaba a naan-anay iti mensahe ti Pagarian iti bukodna a teritoria.—Luc. 9:6.