No Ania ti Ibagayo Maipapan Kadagiti Magasin

Ti Pagwanawanan Nob. 15

“Nangngegtayon ti ebkas a ‘natay ni Jesus gapu kadatayo.’ [Ibasayo ti Juan 3:16.] Napanunotyo kadi no kasano a maisalakannatayo ti ipapatay ti maysa a tao? [Palubosanyo a sumungbat.] Mangipaay ti Biblia iti simple a sungbat. Dayta ti sibabatad nga ilawlawag daytoy nga artikulo, ‘Mangisalakan ni Jesus—Kasano?’”

Agriingkayo! Nob. 22

“Ar-aramiden kadi ti tattao ti amin a kabaelanda a mangsalaknib iti aglawlaw? [Palubosan a sumungbat.] Adu ti agduadua no makapagtultuloy nga agnanayon ti nalap-it a biag ditoy daga. Imbag laengen ta maseknan unay ti Dios. [Basaen ti Nehemias 9:6.] Salaysayen ti Agriingkayo! ti masanguanan para iti biag ditoy daga.”

Ti Pagwanawanan Dis. 1

“Iti daytoy a tiempo ti tawen, okupado dagiti tattao iti panagregalo ken panangipakita iti dadduma pay a kinaparabur. Dayta ti mangipalagip kadatayo iti Nabalitokan a Bilin. [Basaen ti Mateo 7:12.] Panagkunayo mabalintayo kadi a tungpalen daytoy a bilin iti intero a makatawen? [Palubosanyo a sumungbat.] Mangipaay daytoy a magasin iti adu a banag a pagpanunotan iti ‘Ti Nabalitokan a Bilin—Praktikal Pay Kadi?’”

Agriingkayo! Dis. 8

“Inkari ti Biblia nga addanto ti tiempo nga awanto ti agkuna, ‘Masakitak.’ [Basaen ti Isaias 33:24.] Mainaig iti dayta a kari, naipamaysa daytoy nga isyu ti Agriingkayo! iti sakit a sagsagabaen ti minilion a tattao, ubbing ken nataengan. Napauluan daytoy iti ‘Namnama Kadagiti Agsagsagaba iti Arthritis.’ Masiguradok a makaisuro para kenka dagitoy nga artikulo.”