No Ania ti Ibagayo Maipapan Kadagiti Magasin

Ti Pagwanawanan Dis. 15

“Iti daytoy a tiempo ti tawen, adu a tattao ti silalagip iti pannakayanak ni Jesus. Ammoyo kadi no ania a klase a pamilia ti dimmakkelanna? [Palubosanyo a sumungbat. Kalpasanna, basaenyo ti Lucas 2:51, 52.] Dakamaten daytoy a ruar Ti Pagwanawanan no ania dagiti praktikal a leksion a maadaltayo iti Biblia maipapan iti pannakapadakkel ni Jesus.”

Agriingkayo! Dis. 22

“Tarigagayantayo amin a naragsak ken naballigi koma ti biag dagiti annaktayo. Ania ti ammoyo a kangrunaan a kasapulan dagiti ubbing tapno madaeranda ti agdama a nariribuk a lubong? [Palubosanyo a sumungbat. Kalpasanna, basaenyo ti Proverbio 22:6.] Ilawlawag daytoy a ruar ti Agriingkayo! no ania ti kasapulan dagiti ubbing ken no kasano a maipaay dagita dagiti nagannak.”

Ti Pagwanawanan Ene. 1

“Tarigagayan ti adu a tattao a maadda koma ti talna ditoy daga. Panagkunayo, matungpalto ngata dagitoy a sasao? [Basaenyo ti Salmo 46:9. Kalpasanna, palubosanyo a sumungbat.] Ilawlawag daytoy a ruar Ti Pagwanawanan no kasano a matungpal daytoy ken no apay a makapagtalektayo iti kari ti Dios maipapan iti lubong nga awanan iti gubat.”

Agriingkayo! Ene. 8

“Iti intero a lubong, minilion a tattao ti agsagsagaba iti mood disorder, kas iti panagleddaang. Ti Namarsua kadatayo maseknan unay kadagiti kasta a tattao. [Basaenyo ti Salmo 34:18.] Ibinsabinsa daytoy a magasin no kasano a matulongan dagiti agsagsagaba. Ipakitana pay ti kari ti Biblia a dandanin mapukaw ti amin nga an-anayen.”