No Ania ti Ibagayo Maipapan Kadagiti Magasin

Ti Pagwanawanan Dis. 15

“Iti daytoy a tiempo ti tawen, nadumaduma a pamay-an ti pananglaglagip dagiti tattao iti intero a lubong iti pannakayanak ni Jesus. Ammoyo kadi a ti padto ti Biblia inaigna ti pannakayanak ni Jesus iti manayon a talna? [Palubosanyo a sumungbat. Sa basaenyo ti Isaias 9:6, 7.] Ilawlawag daytoy a magasin no kasano a maibanag dayta a talna.”

Agriingkayo! Dis. 22

“Napalpaliiwyo kadin a kasla ad-adda nga ipagpaganetget ti kagimongan no kasano ti panaglanglanga ti tao? [Palubosanyo a sumungbat.] Salaysayen daytoy a magasin ti dadduma kadagiti peggad ti kasta unay a pannakaseknan iti kinapintas. Ipaganetgetna met ti pateg ti kapatgan a kinapintas.” Basaenyo ti 1 Pedro 3:3, 4.

Ti Pagwanawanan Ene. 1

“Isursuro ti kaaduan a relihion dagiti tattao a masapul nga ayatenda dagiti kaarrubada. [Basaenyo ti Mateo 22:39.] Ngem apay ngarud a nairaman ti relihion kadagiti adu a gubat ken dangadang ditoy lubong? [Palubosanyo a sumungbat.] Usigen daytoy a ruar Ti Pagwanawanan ti saludsod a, Ti kadi relihion mapagkaykaysana ti sangatauan?”

Agriingkayo! Ene. 8

“Kasanoyo a sungbatan daytoy a saludsod? [Basaenyo ti saludsod iti akkub. Sa palubosanyo a sumungbat.] Nakaparpartak ti ibabassit dagiti gameng ti daga. Ngem imutektekanyo daytoy makapabileg a kari. [Basaenyo ti Salmo 105:5.] Ilawlawag daytoy a ruar ti Agriingkayo! no kasano a makaungarto met laeng ti planetatayo.”