No Ania ti Ibagayo Maipapan Kadagiti Magasin

Ti Pagwanawanan Dis. 15

“Iti daytoy a paset ti tawen, adu ti mangpampanunot iti kasangay ni Jesus. Ammoyo kadi nga adda dagiti napateg a leksion a masursurotayo iti salaysay ti Biblia maipapan iti pannakaipasngayna? [Palubosan a sumungbat. Kalpasanna, iturong iti panid 5, ken basaen ti 2 Timoteo 3:16.] Daytoy a ruar Ti Pagwanawanan iparangna ti sumagmamano kadagitoy a leksion.”

Agriingkayo! Dis. 22

“Iti panagkunayo, rumbeng kadi a pakaseknan dagiti nagannak no kasano a makaapektar kadagiti annakda dagiti agdama naranggas a paglinglingayan? [Palubosan a sumungbat.] Adu a nagannak ti mangusar iti daytoy a bersikulo ti Biblia kas pagannurotan. [Basaen ti Salmo 11:5.] Daytoy a ruar ti Agriingkayo! tulonganna dagiti pamilia a mangusig kadagiti peggad mainaig kadagiti elektroniko nga ay-ayam.”

Ti Pagwanawanan Ene. 1

“No adda matay wenno agsakit nga ing-ingungoten dagiti tattao, masansan a mapanunotda, ‘Apay nga ipalubos daytoy ti Dios?’ Nalabit nayimtuodyon daytoy a saludsod. Ipakita ti Biblia a maawatan ni Jehova ti marikrikna dagiti agsagsagaba. [Basaen ti Isaias 63:9a.] Ilawlawag daytoy a magasin no apay a makasiguradotayo a pagpatinggaen ti Dios ti panagsagaba.”

Agriingkayo! Ene. 8

“Ti panagkunayo kadi nasken a bumallaet ti gobierno no maipapan iti wayawaya iti panagsao? [Palubosan a sumungbat.] Kasanon no ti panagsao ket panangiranud iti sabsabali ti maipapan iti relihion, kas mabasatayo ditoy? [Basaen ti Aramid 28:30, 31.] Itay nabiit, nausig daytoy a saludsod iti saklang ti Korte Suprema ti E.U. Maawiskayo a mangbasa ti maipapan iti dayta iti daytoy a ruar ti Agriingkayo!”