No Ania ti Ibagayo Maipapan Kadagiti Magasin

Ti Pagwanawanan Dis. 15

“Iti daytoy a tiempo ti tawen, adu ti mangut-utob iti impakaammo dagiti anghel idi nayanak ni Jesus. [Basaenyo ti Lucas 2:14.] Iti panagkunayo, agpayso ngata nga addanto talna ditoy daga? [Palubosanyo a sumungbat.] Ilawlawag daytoy a magasin no kasano nga asidegen nga iyeg ni Jesus ti pudno a talna ditoy daga.”

Agriingkayo! Dis.

“Nagduduma ti kapanunotan dagiti relihion maipapan iti panagusar iti naingel nga inumen. Iti panagkunayo, ania ngata ti panangmatmat ti Dios maipapan iti pannakausar dayta? [Palubosanyo a sumungbat.] Nupay iti damo a milagro ni Jesus ket pinagbalinna ti danum kas arak, namakdaar met ti Biblia. [Basaenyo ti Proverbio 20:1.] Ilawlawag daytoy nga artikulo ti natimbeng a panangmatmat ti Biblia iti dayta a banag.” Itampokyo ti artikulo a mangrugi iti panid 18.

Ti Pagwanawanan Ene. 1

“Iti panagkunayo, ti kadi kaadu ti sanikua ti maysa a tao ti pangrukodan ti balligina? [Palubosanyo a sumungbat sa basaenyo ti 1 Timoteo 6:9, 10.] Nupay ti Biblia saanna a kondenaren ti kuarta, dina ipakita a ti pudno a balligi ket agpannuray iti kinabaknang. Ilawlawag daytoy a magasin dayta a banag.”

Agriingkayo! Ene.

“Iti panagkunayo, mapasarantayto ngata ti kaitungpalan daytoy? [Basaenyo ti Isaias 33:24 sa palubosanyo a sumungbat.] Ilawlawag daytoy a magasin no ania ti ar-aramiden ti siensia medikal ken no kasano a matungpal ti kari ti Biblia.”