No Ania ti Ibagayo Maipapan Kadagiti Magasin

Ti Pagwanawanan Dis. 15

“Iti panawen ti Krismas ken Baro a Tawen, adu ti mangikagkagumaan nga agbalin a nasingpet ken naasi. Iti panagkunayo, sumayaat ngata ti lubong no kanayon a naasi dagiti tattao, saan laeng nga iti panawen ti Krismas ken Baro a Tawen? [Palubosanyo a sumungbat sa basaenyo ti 1 Pedro 3:8.] Ilawlawag daytoy a magasin ti pateg ti kinamanangngaasi ken ibinsabinsana ti sumagmamano a praktikal nga addang no kasanotay a maipakita dayta.”

Agriingkayo! Dis.

“Iti panagkunayo, agbiagto ngata manen dagiti natayen nga ing-ingungotentayo? [Palubosanyo a sumungbat.] Kuna ti Biblia nga adda dalan a pagruaran manipud ken patay. [Basaenyo ti Salmo 68:20.] Ipakita daytoy a magasin no apay a saan a rumbeng a pagbutngantayo ti ipapatay kas permanente a pagnguduan ti biag.”

Ti Pagwanawanan Ene. 1

“Adu ti mangikarkararag iti iyaay ti Pagarian ti Dios. Kas pagarigan, imutektekanyo daytoy a nalatak a kararag nga insuro ni Jesus kadagiti pasurotna. [Basaenyo ti Mateo 6:9, 10.] Napampanunotyo kadin no ania dayta a Pagarian ken no kaano nga umay? [Palubosanyo a sumungbat.] Ilawlawag daytoy a magasin no ania ti kuna ti Biblia maipapan iti daytoy a banag.”

Agriingkayo! Ene.

“Iti intero a pakasaritaan ti tao, nakapasar dagiti babbai iti panangidumduma ken kinaranggas. Ania ti pagarupenyo a makagapu? [Palubosanyo a sumungbat.] Imutektekanyo ti kuna ti Biblia maipapan iti rumbeng a panangtrato dagiti lallaki kadagiti assawada. [Basaenyo ti 1 Pedro 3:7.] Ipakita daytoy a magasin no ania ti kuna ti Biblia maipapan iti panangmatmat ti Dios ken ni Kristo kadagiti babbai.”