No Ania ti Ibagayo Maipapan Kadagiti Magasin

Ti Pagwanawanan Dis. 15

“Maseknan ti adu a tattao no kasano a nagbalin a nakomersialan ti Krismas ken Baro a Tawen. Iti panagkunayo, sabali ngatan ti nakaisentruanna? [Palubosanyo a sumungbat.] Isalaysay daytoy a magasin no kasano a nagbalbaliw dagiti kaugalian ti piesta bayat ti panaglabas ti tiempo. Usigenna pay no kasano a pudpudno a maidaydayawtayo ti Dios ken ni Kristo.” Basaenyo ti Juan 17:3.

Agriingkayo! Dis. 22

“Agarup 85 a tawenen ti napalabas, maysa nga epidemia ti nangpapatay iti ad-adu a tattao iti uneg ti 24 a lawas ngem ti napapatay iti AIDS iti las-ud ti 24 a tawen. Awagan dayta ti dadduma a kakaruan a saplit iti historia. Nangngegyo kadin ti maipapan iti trangkaso Espaniol? [Palubosanyo a sumungbat.] Ilawlawag daytoy a magasin no posible ngata a mapasamakto manen dayta. Mangipaay met daytoy iti namnama.” Basaenyo ti Isaias 33:24.

Ti Pagwanawanan Ene. 1

“Kabaelan dagiti tattao ti agaramid iti naimbag, ngem dagiti di mailadawan a kinadakes ti masansan nga ar-aramidenda. Pinampanunotyo kadin no apay? [Palubosanyo a sumungbat.] Ipaay daytoy a magasin ti sungbat ti Biblia. Ilawlawagna pay no kasano a ti naimbag naan-anay a mapagballigianna ti dakes.” Basaenyo ti Roma 16:20.

Agriingkayo! Ene.

“Pinampanunotyo kadin no anianto ti pagbalinan ti lubong kalpasan ti 20 wenno 30 a tawen? [Palubosanyo a sumungbat sa basaenyo ti Salmo 119:105.] Ti Biblia lawaganna ti dana iti masanguanan tapno mailasintayo no ania ti adda iti masakbayan. Usigen daytoy a magasin dagiti padto a mangipakita no ayantayon iti agus ti tiempo ken no apay a manamnamatayo ti naraniag a masanguanan.”