Repaso ti Asamblea Sirkito

Mausar daytoy a material iti programa ti Gimong ti Serbisio sakbay ken kalpasan unay a tumabuno ti kongregasion iti asamblea sirkito iti 2006. Iyurnos ti mamangulo a manangaywan ti pannakausig daytoy a pamalatpatan ken pangrepaso, kas naibalabala iti panid 4 ti Disiembre 2004 a Ti Ministeriotayo iti Pagarian. Bayat ti repaso, mayimtuod ti amin a saludsod, a maipamaysa ti atension no kasanotayo a mayaplikar ti naidatag nga impormasion.

UMUNA NGA ALDAW

1. Kasanotayo a maikawes ti baro a personalidad ken apay a nasken a taginayonentayo dayta?

2. Ania ti inaramid dagiti dadduma tapno ad-adu ti panawenda a mangasaba?

3. Apay a ditay idilig ti bagitayo kadagiti sabsabali?

4. Kasano a maiparangarang ti tunggal kameng ti pamilia ti baro a personalidad iti uneg ti pagtaengan?

5. Kasanotayo a maipakita ti nasungdo a panangsuportatayo iti kongregasion?

6. Apay a nasken nga iparangarangtayo ti baro a personalidad iti ministerio iti tay-ak?

7. Ania ti ramanen ti umiso a panagmennamenna, ken ania ti magunggonatayo iti dayta?

8. Aniada a kababalin ti makatulong kadatayo nga agpasukog ken ni Jehova?

MAIKADUA NGA ALDAW

9. Apay a napateg nga usarentayo a siuumiso ti dilatayo?

10. Ania dagiti pagsayaatan ti nadayaw a panagsasao iti pannakilangentayo kadagiti katrabahuan, kaeskuelaan, ken kadagiti sabsabali?

11. Kasanotayo a mayaplikar ti balakad ni Pablo a masarakan iti Efeso 4:25-32 iti pannakilangentayo kadagiti kapammatiantayo?

12. Ania ti kadadayawan a panangusartayo iti dilatayo?

13. Ania ti rumbeng nga aramidentayo tapno maparmektayo daydiay nadangkes?

14. Kadagiti ania a banag a rumbeng nga ikagumaantayo ti agtalinaed nga awanan mulit manipud iti lubong?

15. Apay a rumbeng nga inaldaw a pabaruentayo ti makin-uneg a kinataotayo, ken kasanotayo a maaramid dayta?

16. Ania a balakad manipud iti programa ti asamblea sirkito iti daytoy a tawen ti planom nga iyaplikar?