Panangrepaso iti Asamblea Sirkito
Daytoy ti mausar a pamalatpatan ken pangrepaso iti programa ti asamblea sirkito iti 2005 a tawen serbisio. Nailawlawag no kasano a maangay daytoy iti artikulo a “Baro nga Urnos iti Panangrepaso Kadagiti Programa ti Asamblea,” nga agparang iti panid 4 daytoy a suplemento. Kabayatan ti repaso, iyan-anayyo ti oras tapno mausig amin a saludsod. Naipamaysa koma ti repaso iti no kasano a mayaplikartayo ti naidatag nga impormasion.
SESION ITI AGSAPA [WENNO MALEM] TI UMUNA NGA ALDAW
1. Ania ti tumulong kadatayo a gumun-od iti nadiosan a sirib?
2. Ania ti ar-aramiden dagidiay adda iti sirkito tapno maidanonda ti naimbag a damag iti ad-adu pay a tattao?
SESION ITI MALEM [WENNO RABII] TI UMUNA NGA ALDAW
3. Apay a nasken nga agtalinaed dagiti Kristiano a di natulawan iti naespirituan? Ania ti masapul nga aramidentayo tapno agtalinaedtayo a di natulawan?
4. Kasanotayo a maipakita a mannakikappiatayo kadagiti kakabsattayo?
5. Ania ti kinanainkalintegan, ket kasanotayo a maipakita dayta iti wagas a panangusartayo iti tiempotayo?
6. Ania ti maadaltayo iti ehemplo da Saul ken Noe? Kadagiti ania a pamay-an a maipakitatayo a ‘sisasaganatayo nga agtulnog’? [Santiago 3:17]
7. Kasano a maliklikan dagiti Kristiano ti doble kara a panagbiag?
8. Kasanotayo a matulad ti ulidan ni Pablo iti panagsao iti sirib ti Dios?
SESION ITI AGSAPA TI MAIKADUA NGA ALDAW
9. Apay a masapul nga agannadtayo iti panangpili iti aramidentayo, ket ania ti tumulong kadatayo a mangaramid iti kasta?
10. Ania ti ar-aramiden dagidiay adda iti sirkito tapno regular a matabunuanda dagiti gimong, ket kasanoda a nagunggonaan iti dayta?
11. Kasano a dagiti ulo ti pamilia mapabilegda ti sangakabbalayanda?
12. Ania dagiti kasapulan ti sirkito a naiturong iti atensiotayo?
SESION ITI MALEM TI MAIKADUA NGA ALDAW
13. Kas nadakamat iti palawag publiko, ania dagiti nalinteg nga aramid a patpatauden ti sirib manipud ngato?
14. Apay a minamaag ti agtalek iti bagbagitayo wenno kadagidiay saan nga agpapaiwanwan iti nadiosan a sirib? Kadagiti ania a banag a nasken nga agannadtayo?
15. Kadagiti ania a palab-og a salaknibannatayo ti nadiosan a sirib?
16. Apay a nasken nga iyaplikartayo dagiti balakad a naawattayo iti programa ti asamblea sirkito?